ఘనంగా శ్రీ రేణుక ఎల్లమ్మ తల్లి కళ్యాణ మహోత్సవం
దుబ్బాక, యదార్థవాది ప్రతినిధి, జనవరి 29: దుబ్బాక నియోజకవర్గం చేగుంట మండలం కర్నాల్ పల్లి శ్రీ ఎల్లమ్మ తల్లి కల్యాణ మహోత్సవానికి హాజరై ప్రత్యేక పూజలు నిర్వహించిన దుబ్బాక శాసనసభ్యులు కొత్త ప్రభాకర్ రెడ్డి, తెలంగాణ రాష్ట్ర ఎస్సీ ఎస్టీ కమిషన్ చైర్మన్ బక్కి వెంకటయ్య, మెదక్ మాజీ ఎమ్మెల్యే పద్మాదేవేందర్ రెడ్డి, కర్నాల్ పల్లి ఎల్లమ్మ తల్లిని దర్శించుకొని ప్రత్యేక పూజలు నిర్వహించిన అనంతరం రేణుకా ఎల్లమ్మ దేవికి ముక్కుపుడక సమర్పించారు. ఈ సందర్భంగా వారు మాట్లాడుతూ ఈరోజు చాలా మహిమాన్వితమైన రోజు తెలంగాణ వ్యాప్తంగా ఉన్న అన్ని నదులు, వాగులు లో భక్తులు పుణ్య స్నానాలు ఆచరించి, ఇష్టదైవం ని దర్శించుకొని ప్రార్థనలు చేస్తారని, ఎల్లమ్మ తల్లి దయతో దుబ్బాక నియోజకవర్గం ప్రజలంతా సంతోషంగా సుభిక్షంగా ఉండాలని తల్లిని వెదుకున్నానని తెలిపారు. కూడవేల్లి ప్రాంతంలో కూడా ఈరోజు భక్తులు పుణ్య స్నానాలు ఆచరిస్తారని, భక్తులకు ఎలాంటి ఇబ్బంది కలగకుండా రాష్ట్ర ప్రభుత్వంతో మాట్లాడి మల్లన్న సాగర్ ద్వారా నీటిని విడుదల చేయించడం జరిగిందన్నారు. ప్రజలు తగు జాగ్రత్తలు తీసుకోని దర్శనాలు చేసుకోవాలని పోలీసు ప్రభుత్వ అధికారులను కోరారు. ఈ కార్యక్రమంలో బిఆర్ఎస్ నాయకులు, కార్యకర్తలు, ప్రజలు పెద్ద ఎత్తున పాల్గొన్నారు.
