పండిత్ దీన్ దయాల్ వర్ధంతి..
యదార్థవాది ప్రతినిది ఆర్మూర్
భారతీయ జనతా పార్టీ ఆర్మూర్ పట్టణ శాఖ ఆధ్వర్యంలో పండిట్ దీన్ దయాల్ ఉపాధ్యాయ 55వ వర్ధంతిని పురస్కరించుకొని ఆర్మూర్ అంబేద్కర్ చౌరస్తా వద్ద పండిత్ దీన్ దయాల్ చిత్రపటానికి పూలమాలలు వేసి ఘనంగా నివాళులు అర్పించారు.. ఈ సందర్భంగా బిజెపి జిల్లా ప్రధాన కార్యదర్శి జీవీ నరసింహారెడ్డి మాట్లాడుతూ భారతీయ జనతా పార్టీ మాతృక అయిన భారతీయ జనసంఘ్ ను స్థాపించిన వారిలో పండిత్ దిన్ దయాల్ ఒకరిని. వీరు “ఏకాత్మతా మానవతావాదం” సిద్ధాంతాన్ని రూపొందించారని, వ్యక్తినిర్మాణంతో పాటు, వ్యక్తి అభివృద్ధితో పాటు సమాజ అభివృద్ధిని ధర్మ మార్గంలో నడిపిస్తూ దేశ నిర్మాణంతో పాటు దేశ అభివృద్ధి జరుగుతుందని, పండిత్ దీన్ దయాల్ ఉపాధ్యాయ 1968 ఫిబ్రవరి 11న వద్ద మొగల్ సరాయి రైల్వే స్టేషన్ ఫ్లాట్ ఫారం వద్ద అనుమానస్పదంగా చనిపోయి ఉన్నారని, వీరి మరణం గురించి ఇప్పటికీ అసలు నిజాలు తెలియకపోవడం అప్పట్లో ఉన్న కాంగ్రెస్ ప్రభుత్వం దాచిపెట్టడం జరిగింది.. ప్రధాని నరేంద్ర మోడీ సిద్ధాంతమైన మానవతా ఏకాత్మతా వాదం అదేవిధంగా అంత్యోదయ భావాలతో వీరిని ఆదర్శంగా తీసుకొని భారత ప్రధాని నరేంద్ర మోడీ, ప్రతి పేదవారికి ప్రభుత్వ సంక్షేమ ఫలాలు అందాలనే లక్ష్యంతో, ప్రతీ పేద వారు ఆర్థికంగా స్వాలంబన సాధించాలన్న కాంక్షతో ఉజ్వల యోజన, జన్ ధన్ ఖాతాలు, ప్రధాని ఆవాస్ యోజన, స్వచ్ఛభారత్ మిషన్, సుకన్య సమృద్ధి యోజన, భేటీ బచావో బేటి పడావో లాంటి పథకాలతో, సబ్ కా సాత్- సబ్ కా విశ్వాస్- సబ్ కా వికాస్” అనే నినాదంతో అందరికీ ప్రభుత్వ ఫలాలు, ప్రభుత్వ లక్ష్యాలు అందించాలన్న దృఢ సంకల్పంతో ఉన్నారని తెలిపారు. సాంకేతికతను అన్ని రంగాల్లో కృషి చేయడం నరేంద్ర మోడీకే దక్కిందని, మరెన్నో కొత్త పథకాలు మోడీ తీసుకొచ్చి భారతదేశాన్ని 2047 నాటికి ఆత్మ నిర్భర్, స్వదేశీ, స్వశక్తి, సాభిమానం, స్వావలంబనలతో సంమృద్ద భారత్, సమర్థ్ భారత్, సంపన్న భారత్ నిర్మాణానికి ప్రతి ఒక్కరూ కృషి చేయాలని అన్నారు. తెలంగాణ రాష్ట్రంలో సైతం కాషాయ జెండా ఎగిరే విధంగా కృషి చేయాలని ఈ సందర్భంగా పిలుపునిచారు. ఈ కార్యక్రమంలో బిజెపి జిల్లా కార్యవర్గ సభ్యులు పోల్కం వేణు, బిజెపి సీనియర్ నాయకులు డీకే శ్రీనివాస్, మందుల వీరభద్రి, కర్తన్ భూషణ్, బిజెపి ఆర్మూర్ పట్టణ నాయకులు భూసం ప్రతాప్, భవాని నవీన్, బట్టు రాము, గటడి నితిన్ తదితరులు పాల్గొన్నారు.
