బీఎస్పీ పార్టీ ఆధ్వర్యంలో హెల్త్ కార్డుల పంపిణీ.
గోదావరిఖని యదార్థవాది
బీఎస్పీ పార్టీ ఆధ్వర్యంలో మంగళవారం ఎన్టీపీసీ మేడిపల్లి రోడ్ లో జ్యోతినగర్ హమాలీ సంఘం సభ్యులకు, అన్నపూర్ణ కాలనీ ట్రాలీ ఓనర్స్ అండ్ డ్రైవర్స్ సంఘాల సభ్యులకు బీఎస్పీ పార్టీ సీనియర్ నాయకులు దేవునూరి సంపత్ కుమార్ అధ్యక్షతన హెల్త్ కార్డులను పంపిణీ చేశారు. గోదావరిఖని లోని ఫార్చ్యూన్ సిగ్మా హాస్పిటల్ సహకారంతో 150 మందికి హెల్త్ కార్డులను అందజేశారు. కార్యక్రమానికి బీఎస్పీ పార్టీ రామగుండం నియోజకవర్గ ఇన్చార్జ్ గోలివాడ ప్రసన్నకుమార్ ముఖ్య అతిథిగా హాజరై మాట్లాడుతూ రామగుండం పారిశ్రామిక ప్రాంతంలోని పేద, బడుగు,బలహీన వర్గాల, బహుజన కార్మికులకు వైద్యం నిమిత్తం పదివేల కుటుంబాలకు సిగ్మా హాస్పిటల్ వారిచే హెల్త్ కార్డులను జారీ చేస్తున్నామని, ఈ అవకాశాన్ని ప్రజలు సద్వినియోగం చేసుకోవాలని అన్నారు. సిగ్మా హాస్పిటల్ సీఈవో యం.నరేష్ మాట్లాడుతూ బీఎస్పీ పార్టీ తరపున రామగుండం పారిశ్రామిక ప్రాంతంలో పదివేల కుటుంబాలకు హెల్త్ కార్డులు ఇవ్వబోతున్నామని, వెనుకబడిన ప్రాంతాలలో 100 హెల్త్ క్యాంపులను నిర్వహించబోతున్నామని అన్నారు. కార్యక్రమంలో శ్రీనివాస్, జింక ఉదయ్, జనగామ మల్లేష్ , కాసర్ల పోషమల్లు, మడ్డి చంద్రయ్య, చిలుక బానేష్,ఆడెపు శ్రీనివాస్, మడ్డి బబ్రువాహన్, రఘునాథరెడ్డి, సంతోష్, లంక మల్లేష్, రామిల్ల సతీష్,పెరుక కిష్టయ్య తదితరులు పాల్గొన్నారు.
