యువతను పరిరక్షించుకునే బాధ్యత చిరంజీవి పై ఉంది

యువతను పరిరక్షించుకునే బాధ్యత చిరంజీవి పై ఉంది
తెలుగు శక్తి అధ్యక్షుడు బి.వి.రామ్
యదార్థవాది ప్రతినిధి విశాఖపట్నం
రాష్ట్రంలో యువతను పరిరక్షించుకునే క్రమంలో మెగాస్టార్ చిరంజీవి ఏదో ఒక రాజకీయ పార్టీకి సంఘీభావం తెలపాలని తెలుగు శక్తి అధ్యక్షుడు బి.వి.రామ్ అన్నారు. నగరంలోని పౌర గ్రంథాలయంలో నిర్వహించిన వాల్తేరు వీరయ్య విజయోత్సవ అభినందన కార్యక్రమానికి ముఖ్య అతిథిగా విచ్చేసిన ఆయన మాట్లాడుతూ.. రాష్ట్రంలో ప్రజలను ముఖ్యంగా యువతను పరిరక్షించుకోవాల్సిన బాధ్యత మెగాస్టార్ చిరంజీవి పై ఉందన్నారు. చిరంజీవి అనేక దశాబ్దాల నుంచి సినీ ప్రేక్షకుల అభిమానాన్ని చురగొన్నారన్నారు. ప్రేక్షకుల అభిమానులకి ప్రత్యక్ష నిదర్శనమే వాల్తేరు వీరయ్య చిత్రం దిగ్విజయం అని ప్రస్తావించారు కళాకారులను ప్రోత్సహించాలని ఉద్దేశంతో చిరంజీవి కళా పరిషత్ అనే సాంస్కృతిక సంస్థను స్థాపించిన గెంబలి జగదీష్ ను బి.వి.రామ్ అభినందించారు. వాల్తేరు వీరయ్య విజయోత్సవ అభినందన సభ పేరిట నిర్వహించిన ఈ కార్యక్రమంలో జనసేన నాయకుడు సురక్ష హాస్పిటల్ అధినేత బొడ్డేపల్లి రఘు, చిరంజీవి కళాపరిషత్తు కార్యదర్శి నూకల శ్రీనివాస్ తదితరులు పాల్గొన్నారు.