హెచ్ ఐ ఈ జూనియర్ కళాశాల లో
ఉచిత ప్రవేశాలకు దరఖాస్తుల ఆహ్వానం..
నల్గొండ, యదార్ధవాది ప్రతినిధి, డిసెంబర్ 26 : వికారాబాద్ కేంద్రంగా నడుస్తున్న హైదరాబాద్ ఇన్స్టిట్యూట్ ఆఫ్ ఎక్సలెన్స్ జూనియర్ కాలేజీలో ప్రవేశాల కోసం దరఖాస్తులను ఎస్ఎస్సి చదువుతున్న విద్యార్థుల నుండి కోరారు . ఈ విద్యార్థులు డిసెంబర్ 15వ తారీఖు నుంచి 15 జనవరి 2025 వరకు ఉచితంగా ఆన్లైన్లో దరఖాస్తులు చేసుకోవాలని హెచ్ ఐ ఈ డైరెక్టర్ జావిద్ హూద్ తెలిపారు. గత 13 సంవత్సరాల నుండి నాణ్యమైన ప్రమాణాలతో, విద్యను అందిస్తున్నటువంటి అత్యుత్తమమైన విద్యాసంస్థ హెచ్ ఐ ఈ అని తెలియజేశారు. ఈ కళాశాలలో కుల మతాలకు అతీతంగా విద్యార్థులదరికీ ప్రవేశాలను ఆన్లైన్ పరీక్ష ద్వారా చేపడుతున్నామని జావిద్ హూద్ తెలిపారు. ఆన్లైన్ పరీక్షలు పాస్ అయిన విద్యార్థులను మెరిట్ ప్రకారము ఎంపీసీ , బై .పీసీ మరియు ఎం ఈ సి కోర్సులలో అడ్మిషన్లను కల్పించి ఉచిత వసతి, భోజన మరియు విద్యను అందిస్తున్నామని అన్నారు. ఇంటర్ విద్యతో సహా జె ఈ ఈ , మెయిన్స్ , నీట్ , ఈపసెట్ , ఐఐటీ ల కు ప్రత్యేక కోచింగ్ కూడా ఏర్పాటు చేయడం జరిగిందని తెలియజేశారు. ఈ కాలేజీలో అడ్మిషన్ పొందడానికి ఆన్లైన్ రాత పరీక్షలో మెరిట్ పొందడంతో పాటు ఎస్ఎస్సి పరీక్షలో జీపిఏ 9.3 పాయింట్స్ పొందిన వారికే ప్రాధాన్యత ఇవ్వడం జరుగుతుందని డైరెక్టర్ తెలియజేశారు. ఆన్లైన్లో ఉచిత దరఖాస్తు మరియు పరీక్ష కోసం హెచ్ ఐ ఈ సంస్థ వారి వెబ్సైట్ www.hieset.in ను దర్శించవలసిందిగాఈ పేర్కొన్నారు. విద్యార్థుల కోసం క్రీడలు, వ్యక్తిత్వ వికాసం వంటి అదనపు సౌకర్యాలు హెచ్ ఐ ఈ క్యాంపస్ లో అందుబాటులో ఉంటాయని జావిద్ హూద్ తెలియజేశారు. మరింత సమాచారం కోసం ఉమ్మడి నల్గొండ జిల్లా ఇన్చార్జ్. నిరంజన్ అలీ ని సెల్ 9866556886.సంప్రదించాలని పత్రికా ప్రకటనలో తెలిపారు.
