ఉద్యోగుల ఉద్యమాలను అణిచి వేయాలని చూస్తోంది
యదార్థవాది ప్రతినిది విశాఖపట్నం
బీజేపీ కార్యాలయంలో పత్రిక సమావేశంలో గురువారం బీజేపీ రాష్ట్ర అధ్యక్షులు సోము వీర్రాజు మాట్లాడుతూ రాష్ట ప్రభుత్వ హామీలు నెరవేర్చక పోవడంతో ఉద్యోగులు రాజకీయ పార్టీల మాదిరిగా ఉద్యమాలు చేయాల్సివస్తుందని గతంలో ఎప్పుడు చూడలేదని ప్రభుత్వం ఉద్యోగులను దొంగ దెబ్బ తీయాలని చూస్తోందని రాష్ట్ర ప్రభుత్వం ఉద్యోగుల ఉద్యమాలను అణిచి వేయాలని చూస్తోందని అన్నారు. ఉద్యోగుల పోరాటానికి బీజేపీ అండగా వుంటుందని ప్రభుత్వం ఎమ్మెల్సీ ఎన్నికలు దృష్ట్యా ఉద్యోగులకు కొన్ని హామీలు ఇచ్చిందని ఉద్యోగులు డిమాండ్ల విషయములో ప్రభుత్వానికి లొంగి పోవద్దని తెలిపారు. ఉద్యోగుల సర్వీస్ ప్రభుత్వానికే గాని వైసీపీకి కాదని ఉపాధ్యాయులు బదిలీల కోసం కోర్టుని ఆశ్రయించారని గుర్తు చేశారు. ప్రభుత్వ ఉద్యోగులంతా డీ ఏ మాట దేవుడెరుగు జీతాలు వస్తే చాలు అన్నట్టుగా వున్నారని సలహా దారులకు మాత్రం సకాలంలో జీతాలు వస్తున్నాయని రాష్ట్ర ప్రభుత్వ సలహాదారులు వల్ల ప్రజలకు కలిగే ఉపయోగం ఏమిటి అన్నది శ్వేతపత్రం విడుదలచేయలని ఆయన డిమాండ్ చేశారు. ఎమ్మెల్సీ ఎన్నికల్లో ఓట్ల నమోదు బీజేపీ శ్రేణులు విజయం దిశగా పని చేస్తున్నారని ప్రభుత్వ వ్యతిరేక ఓటును బీజేపీకి అనుకూలంగా మార్చుకుంటున్నామని తెలిపారు. రాష్ట దేవాదాయశాఖను ప్రభుత్వం దేవ ఆదాయ శాఖగా మార్చేసిందని అన్నవరం సింహాచలం శ్రీ శైలం దేవస్థానంలకు కేంద్ర ప్రభుత్వం నిధులు ఇస్తుందని తెలిపారు. సమావేశంలో బీజేపీ రాష్ట్ర ఉపాధ్యక్షులు పి విష్ణు కుమార్ రాజు, బీజేపీ విశాఖ పార్లమెంట్ జిల్లా అధ్యక్షులు ఎం. రవీంద్ర, అనకాపల్లి ఇంఛార్జి ప్రకాష్ రెడ్డి, రాష్ట్ర కార్యవర్గ సభ్యులు ఎం.నాగేంద్ర నాయకులు తదితరులు పాల్గొన్నారు.
