స్వచ్ఛమైన నీరు ఉచితంగా అందించాలి
* హోటళ్లు రెస్టారెంట్ లు శుద్ధి చేసిన నీటిని ఉచితంగా అందించాలని..
* వీధి వ్యాపారులు తప్పని సరిగా జలమండలి సరఫరా చేసే తాగునీటిని అందించాలి..
హైదరాబాద్ యదార్థవాది
గ్రేటర్ హైదరాబాద్ లోని హోటళ్లు రెస్టారెంట్ ఫాస్ట్ ఫుడ్ సెంటర్ వీధి వ్యాపారులు తప్పని సరిగా జలమండలి సరఫరా చేసే మంచినీరు ఆర్.ఓ వాటర్ శుద్ధి చేసిన నీటిని గానీ తప్పని సరిగా ఉచితంగా అందించాలని రాష్ట్ర ప్రభుత్వ మున్సిపల్ పరిపాలన పట్టణాభివృద్ది శాఖ ప్రత్యేక ప్రధాన కార్యదర్శి అర్వింద్ కుమార్ ఆదేశించారు. ఈ మేరకు తగు చర్యలు తీసుకోవాలని జీహెచ్ ఎంసీ కమీషనర్ కు ఆదేశాలు జారీ చేశారు. ఒకవేళ హోటళ్లు రెస్టారెంట్ లలో తప్పని సరి పరిస్థితుల్లో వాటర్ బాటిల్స్ సరఫరా చేస్తే ఆయా బాటిల్స్ పై ముద్రించిన గరిష్ట ధరను మాత్రమే తీసుకోవాలని సూచించారు. నగరంలోని అనేక హోటళ్లు రెస్టారెంట్లలో వేరు వేరు బ్రాండ్ల పేరుతొ బాటిల్ వాటర్ ను అత్యధిక ధరకు విక్రయిస్తున్నారని ఒక స్వచ్ఛంద సంస్థ చేసిన ఫిర్యాదు మేరకు ప్రత్యేక ప్రధాన కార్యదర్శి స్పందించారు..
