ఇండ్లు కిరాయికి ఇస్తే పూర్తి సమాచారం తీసుకోవాలి
-కార్డెన్ అండ్ సర్చ్ లో పాల్గొన్న సూర్యాపేట డిఎస్పీ రవి
సూర్యాపేట, యదార్థవాది ప్రతినిధి, డిసెంబర్ 10: జిల్లా కేంద్రం 60 ఫీట్ల రోడ్డులో కార్డెన్ అండ్ సర్చ్ నిర్వహించి, సామాజిక అంశాలపై పోలీసు కళాబృందంచే అవగాహన కార్యక్రమాన్ని డిఎస్పి రవి ఆధ్వర్యంలో పట్టణ ఇన్స్పెక్టర్ వీర రాఘవులు, రూరల్ సీఐ రాజశేఖర్ లు నిర్వహించారు. ఈ సందర్భంగా డిఎస్పి మాట్లాడుతూ పోలీసు ఉన్నతాధికారుల ఆదేశాల మేరకు పట్టణ కేంద్రం నందు గల 60 ఫీట్ల రోడ్డు విద్యానగర్ ప్రాంతాల్లో పట్టణ పోలీసులు కార్డన్ అండ్ సర్చ్ కార్యక్రమంలో భాగంగా ఆకస్మిక తనిఖీలు నిర్వహించడం జరిగింది అన్నారు. అనుమతి పత్రాలు లేనటువంటి 52 ద్విచక్ర వాహనాలను, మూడు ఆటోలను సీజ్ చేయడం జరిగిందన్నారు. ప్రజలకు మహిళలకు మెరుగైన భద్రత రక్షణ కల్పించడంలో భాగంగానే ఈరోజు ఆకస్మికంగా కార్డెన్ అండ్ సర్చ్ నిర్వహించడం జరిగినదని అన్నారు. రోడ్డు ప్రమాదాల నివారణ, రోడ్డు భద్రత, దొంగతనాల నివారణ, సీసీ కెమెరాలు ఏర్పాటు, సైబర్ నేరాల నివారణ, మహిళల భద్రత మొదలగు అంశాల గురించి ప్రజలకు వివరించడం జరిగింది. వాహనదారులు వాహనాలకు అనుమతి పత్రాలు కలిగి ఉండాలని అన్నారు. గుర్తింపు లేని వారికి అనుమానితులకి కొత్త వ్యక్తులకు ఇండ్లు కిరాయికి ఇవ్వవద్దు అని కోరారు.
