తెలంగాణ పోలిస్ బాస్..అంజనీ కుమార్

238

తెలంగాణ పోలిస్ బాస్..అంజనీ కుమార్

హైదరాబాదు 29 డిసంబర్

తెలంగాణ రాష్ట్ర నూతన డీజీపీ గా అంజనీ కుమార్ ను నియమిస్తు ప్రభుత్వం ప్రధాన కార్యదర్శి సోమేశ్ కుమార్ ఉత్తర్వులు జారీ చేశారు. అంజనీ కుమార్ 1990 బ్యాచ్ ఐపిఎస్ అధికారి, ప్రస్తుతం ఏసీబీ డీజీగా ఉన్న అంజనీ కుమార్ ను పుల్ అడిషనల్ చార్జ్ గా బాద్యతలు అప్పగిస్తూ ఆదేశాలు జారిచేశారు. 2021 డిసెంబరు 24న ఏసీబీ డీజీ అయ్యారు. అంతకుముందు హైదరాబాద్ నగర కమిషనర్ గా పని చేశారు ఐక్యరాజ్య సమితి శాంతి మెడల్ (పీస్ మెడల్) రెండుసార్లు అందుకున్నారు. ఐక్యరాజ్య సమితి తరపున 1998-99లో బోస్నియా దేశంలో పనిచేశారు. బిహార్ రాజధాని పట్నాలోని సెయింట్ జేవియర్ స్కూల్లో, దిల్లీ యూనివర్సిటీలో చదువుకున్నారు. ఐపిఎస్ ట్రైనింగ్ లో మంచి ప్రతిభ కనపబరిచి రెండు కప్పులు గెలుచుకున్నారు. గతంలో జనగామ ఏఎస్పీగా పనిచేశారు. కౌంటర్ ఇంటిలిజెన్స్ సెల్ ఛీఫ్ గా పనిచేశారు. ఉమ్మడి రాష్ట్రంలో గ్రేహౌండ్స్ ఛీఫ్ గా, నిజామాబాద్ డీఐజీగా,వరంగల్ ఐజీగా చేశారు. హైదరాబాద్ లా అండ్ ఆర్డర్ అదనపు కమిషనర్ గా, తెలంగాణ లా అండ్ ఆర్డర్ అదనపు డీజీగా, 2018 మార్చి 12న హైదరాబాద్ కమిషనర్ గా, 2021 డిసెంబరు 25న ఏసీబీగా డీజీగా నియమితులయ్యారు. రాష్ట్రపతి పోలీస్ మెడల్, ప్రెసిడెంట్ పోలీస్ మెడల్, నక్సల్ ప్రాంతంలో పనితీరుకు గానూ, ఇంటర్నల్ సెక్యూరిటీ మెడల్ అందుకున్నారు. హైదరాబాద్ నగర పోలీసు చరిత్రపై విస్తృత పరిశోధన చేశారు.

ఒక సమాధానం వదిలి

దయచేసి మీ వ్యాఖ్యను నమోదు చేయండి!
దయచేసి ఇక్కడ మీ పేరు నమోదు చేయండి