పేదల అభ్యున్నతి లయన్స్ క్లబ్ సేవలు..
-విద్య, వైద్య రంగాల్లో లయన్స్ క్లబ్ సేవలు అభినందనీయం
-జిల్లా పరిషత్ చైర్ పర్సన్ వేలేటి రోజా శర్మ
సిద్ధిపేట యదార్థవాది ప్రతినిది
పేదల అభ్యున్నతి లయన్స్ క్లబ్ సేవలు వివిధ రంగాల్లో చేపట్టిన సేవలు అభినందనీయమని పరిషత్ చైర్ పర్సన్ వేలేటి రోజా శర్మ అన్నారు..ఆదివారం లయన్స్ భవన్ లో 2023-24 సంవత్సరానికి నూతన కార్యవర్గ ప్రమాణస్వీకారం కార్యక్రమానికి ముఖ్య అతిథిగా హాజరై మాట్లాడుతూ విద్య, వైద్యం, సామాజిక సేవ తదితర రంగాల్లో లైన్స్ క్లబ్ చేస్తున్న సేవలు దర్శినీయని, సిద్దిపేట లయన్స్ క్లబ్ కు మహిళా కార్యవర్గాన్ని ఏర్పాటు చేయడం శుభసూచకమని, ప్రభుత్వ పాఠశాలల్లో పేద విద్యార్థులకు లయన్స్ క్లబ్ వారు నోట్ బుక్స్, స్పోర్ట్స్ డ్రెస్ లు, గ్లాసులు, ప్లేట్లు పంపిణీ చేస్తూ వారికి చేయూతను అందించడం గొప్ప విషయమని అన్నారు. మారు గ్రామాల్లో సైతం ఆరోగ్య శిబిరాల ద్వారా పేదలకు వైద్య సేవలు అందించి సహయం చేస్తున్నారని లయన్స్ క్లబ్ నూతనంగా ఏర్పాటు చేసిన స్మైల్ ప్రోగ్రాం ద్వారా ఎన్ఆర్ఐల ద్వార సేకరించిన డాలర్స్ తో ప్రభుత్వ పాఠశాలల్లో సేవా కార్యక్రమాలు చేపట్టడం హర్ష నియమన్నారు. లయన్స్ క్లబ్బులతో పాటు మరి కొంతమంది దాతలను చైతన్యపరిచి సమాజ హితం కోసం సేవా కార్యక్రమాలను విస్తరించాలని కోరారు. లయన్స్ క్లబ్ చేస్తున్న సేవలకు తన వంతు పూర్తి సహాయ సహకారాలు ఉంటాయన్నారు. మంత్రి హరీష్ రావు కూడా సేవా కార్యక్రమాలను చేసే వారికి నిరంతర సహాయ సహకారాలు అందిస్తారన్నారు. సిద్దిపేట లయన్స్ స్మైల్ ప్రోగ్రాం ద్వారా చిన్నకోడూరు మండలం రామంచ ప్రాథమిక పాఠశాల 165 మంది విద్యార్థులకు 75 వేల విలువైన స్పోర్ట్స్ డ్రెస్సులను, ములుగు ఉన్నత పాఠశాల 400 మంది విద్యార్థులకు పదివేల విలువ గల అంబలి త్రాగడానికి గ్లాసులను జిల్లా పరిషత్ చైర్ పర్సన్ రోజా శర్మ చేతుల మీదుగా అందించారు. సిద్దిపేట లయన్స్ క్లబ్ అధ్యక్షులుగా జ్యోతి, ప్రధాన కార్యదర్శిగా నిర్మల రాణి, కోశాధికారిగా సుధ, క్లబ్ కమిటీలచే ఫాస్ట్ డిస్టిక్ట్ గవర్నర్ సూర్యారాజ్ ప్రమాణ స్వీకారం చేయించారు. కార్యక్రమంలో డిప్యూటీ గవర్నర్ -2 అమర్నాథరావు, లైన్స్ క్లబ్ ప్రతినిధులు మరియు ప్రవీణ్, పద్మావతి,రాధాకృష్ణ, డాక్టర్ శ్రీనివాస్, శ్రీధర్, సుజాత, గంప రమేశ్, వినోద్ మోదాని, రవీందర్, సత్యనారాయణ తదితరులు పాల్గొన్నారు…
