26.7 C
Hyderabad
Sunday, April 21, 2024
హోమ్జాతీయబీజేపీకి ముందస్తు దీపావళి -హుజురాబాద్ లో బీజేపీ ఘన విజయం ..

బీజేపీకి ముందస్తు దీపావళి -హుజురాబాద్ లో బీజేపీ ఘన విజయం ..

బీజేపీకి ముందస్తు దీపావళి
-హుజురాబాద్ లో బీజేపీ ఘన విజయం
– 23865 వేల ఓట్ల ఆధిక్యత
– 7వ సారి ఈటెల గెలుపు

తెలంగాణ రాష్ట్ర ప్రజలు ఎంతో ఆసక్తిగా ఎదురు చూస్తున్నా హుజురాబాద్ నియోజకవర్గ ఎన్నికల ఫలితాలు విడుదలయ్యాయి. అధికార పార్టీ టిఆర్ఎస్ నుండి బయటకు వచ్చిన ఈటెల రాజేందర్ కు, అలాగే అధికార పార్టీ కి మధ్య హోరాహోరీ సాగినప్పటికీ ప్రజలు మాత్రం ఒకవైపే మొగ్గు చూపారు. బిజెపి అభ్యర్థి ఈటెల రాజేందర్ వైపే ప్రజలు నిలిచారు. అత్యంత ప్రతిష్టాత్మకంగా సాగిన ఎన్నికల లో చివరకు గెలుపు బీజేపీకి దక్కింది. ముందు నుంచి అందరూ ఊహించినట్టుగానే ఓటర్లు బీజేపీ వైపు నిలిచారు. నువ్వా నేనా అన్నట్లు ఉత్కంఠగా సాగిన ఎన్నికల ను ఇరు పార్టీలు ప్రతిష్టాత్మకంగా భావించాయి. తన మంత్రి పదవికి శాసన సభ్యత్వానికి గుడ్ బై చెప్పిన రాజేందర్ ఇప్పుడు జరిగిన ఎన్నికల్లో ఎలాగైనా గెలుపొంది పరువు కాపాడుకోవాలని ఈటెల రాజేందర్ ఒకవైపు, మరోవైపు గెలిచి తీరాలని అధికారంలో ఉన్నందున ఈ ఎన్నికల ఫలితాలు టిఆర్ఎస్ భవిష్యత్తుపై ప్రభావం చూపుతాయని భావించడం తో ఎన్నికల పై అన్ని పార్టీల వారు ఎంతో కాన్సన్ట్రేషన్ చేశారు. దీంతో రాష్ట్ర వ్యాప్తంగా ఎన్నికల ఫలితాలపై తీవ్ర ఆసక్తి ఏర్పడింది. ఈ ఎన్నికల ఫలితాలు రాష్ట్రంలో తర్వాత జరిగే ఎన్నికల పై ప్రభావం చూపే అవకాశం ఉంటుందని భావించిన టిఆర్ఎస్ గెలుపు కోసం శాయశక్తులా కృషి చేసి నప్పటికీ విఫలమైంది.

పోస్టల్ బ్యాలెట్ తో పాటు
మరో రౌండ్ మినహా ప్రతి రౌండ్లోనూ బీజేపీదే ఆధిక్యం.

మొత్తం 22 రౌండ్లలో ఓట్ల లెక్కింపు ప్రక్రియను ఎన్నికల అధికారులు పూర్తి చేసినప్పటికీ రెండు రౌండ్లు మినహా అన్ని రంగాల్లోనూ బిజెపి తన ఆధిక్యతను ప్రదర్శించింది. ఒక్క పోస్టల్ బ్యాలెట్ తో పాటు మరో రౌండ్ లో టిఆర్ఎస్ మెజార్టీ చూపినప్పటికీ మిగిలిన 20 రౌండ్లోనూ బిజెపి కి హుజురాబాద్ ప్రజలు ఆధిక్యతను ఇచ్చారు. మొదట వెలువడిన పోస్టల్ బ్యాలెట్ ఫలితాలతో ఒకింత అధికార పార్టీ వైపే ప్రజలు ఉంటారేమో అని అనిపించినప్పటికీ వాస్తవానికి ప్రజలు టీఆర్ఎస్ వైపు నిలిచారు.

ఎన్నికల ఫలితాలను విశ్లేషిస్తే అధికార టిఆర్ఎస్ పార్టీ పై ప్రజల్లో ఉన్న వ్యతిరేకత స్పష్టమవుతుంది. అలాగే ఆ పార్టీ నాయకుడు ఇచ్చే హామీలు అమలు చేయడనే అభిప్రాయం, ఉద్యోగాల కోసం నోటిఫికేషన్ ఇవ్వకపోవడం తదితర కారణాలు చెప్పుకోవచ్చు అది విశ్లేషకులు భావిస్తున్నారు.

విజయోత్సవ ర్యాలీలకు అనుమతి లేదు

ఓట్ల లెక్కింపు సందర్భంగా ఎలాంటి అవాంఛనీయ సంఘటనలు జరగకుండా పోలీసులు పకడ్బందీ చర్యలు చేపట్టారు. అన్ని రూట్లలో ట్రాఫిక్ ఆంక్షలు విధించారు. 144 సెక్షన్ విధించారు. ముందస్తుగానే పోలీసులు ఎలాంటి విజయోత్సవ సంబరాలు నిర్వహించకూడదని ఆదేశాలు జారీ చేశారు.

RELATED ARTICLES

ఒక సమాధానం వదిలి

దయచేసి మీ వ్యాఖ్యను నమోదు చేయండి!
దయచేసి ఇక్కడ మీ పేరు నమోదు చేయండి

ట్రెండింగ్ న్యూస్