26.7 C
Hyderabad
Sunday, April 21, 2024
హోమ్తెలంగాణముందు ప్రచారం చేస్తే రద్దు..

ముందు ప్రచారం చేస్తే రద్దు..

ముందు ప్రచారం చేస్తే రద్దు..

యదార్థవాది ప్రతినిధి సిద్దిపేట

రాష్ట్ర వ్యాప్తంగా విద్యార్థుల ఆత్మహత్యలకు కారణం అవుతున్న కార్పొరేట్ విద్యా సంస్థలు శ్రీ చైతన్య, నారాయణ,తదితర విద్యాసంస్థల గుర్తింపును రద్దు చేయాలని ఏఐఎస్ఎఫ్ సిద్దిపేట జిల్లా అధ్యక్ష,కార్యదర్శులు సంగెం మధు, జేరిపోతుల జనార్దన్ లు డిమాండ్ చేశారు. శనివారం కార్పొరేట్ విద్యాసంస్థల్లో జరుగుతున్న ఆత్మహత్యలపై విచారణ జరిపించి,శ్రీ చైతన్య,నారాయణ విద్యా సంస్థల గుర్తింపు రద్దు చేయాలని ముందస్తు అడ్మిషన్లు ప్రచార నిర్వహిస్తున్న విద్యాసంస్థలపై చర్యలు తీసుకోవాలని సిద్దిపేట జిల్లా కేంద్రంలో ఏఐఎస్ఎఫ్ జిల్లా సమితి ఆధ్వర్యంలో గాంధీ రోడ్ లో కార్పొరేట్ విద్యాసంస్థల దిష్టిబొమ్మ దహనం చేశారు. ఈ సందర్భంగా వారు మాట్లాడుతూ కార్పొరేట్ విద్యాసంస్థలు ధనార్జనే ధ్యేయంగా విద్యార్థుల జీవితాలతో చెలగాటమాడుతున్నారని, విద్యా సంవత్సరం పూర్తి కాకముందే వివిధ ఆకర్షపు తప్పుడు ప్రచారాలతో ముందస్తు అడ్మిషన్లకై తిరుగుతున్నారని, గుర్తింపు లేకుండా విచ్చలవిడిగా బ్రాంచ్ లను ఏర్పాటు చేసుకుంటున్నారని, అలాంటి వాటిని గుర్తించి విద్యాశాఖ అధికారులు ఆయా సంస్థలపై కఠిన చర్యలు తీసుకోవాలని వారు అన్నారు..ఈ మధ్యకాలంలో శ్రీ చైతన్య, నారాయణ విద్యాసంస్థల్లో విద్యార్థుల ఆత్మహత్యలు ఎక్కువవుతున్నాయని విద్యార్థులను మానసికంగా, శారీరకంగా వేధిస్తూ వారి మనోభావాలను దెబ్బతీసే విధంగా ఈ సంస్థలు ప్రవర్తిస్తున్నాయని, అడ్డగోలుగా ఫీజులు వసూలు చేస్తూ విద్యార్థుల భవిష్యత్తును ప్రశ్నార్ధకంగా మారుస్తున్నారని వారు వాపోయారు.. విద్యాశాఖ అధికారులు ఈ కార్పొరేట్ విద్యాసంస్థలపై దృష్టి సారించి నిబంధనలకు విరుద్ధంగా నడుస్తున్న కార్పొరేట్ విద్యాసంస్థలను గుర్తింపు రద్దు చేయాలని, ముందస్తు అడ్మిషన్ల ప్రచారం నిర్వహిస్తున్న విద్యాసంస్థలను గుర్తించి వారిపై క్రిమినల్ కేసులు నమోదు చేయాలని వారు డిమాండ్ చేశారు.. నిబంధనలకు విరుద్ధంగా నడుస్తూన్న ఫీజుల పేరిట విద్యార్థులను ఇబ్బందులకు గురి చేస్తే ఏఐఎస్ఎఫ్ గా ఆయా విద్యాసంస్థల ముందు పెద్ద ఎత్తున ఆందోళన నిర్వహిస్తామని వారు తెలిపారు. కార్యక్రమంలో మధు జిల్లా కౌన్సిల్ సభ్యులు సిద్ధుల సుమన్,ప్రవీణ్ నాయకులు ఆదిత్య, జనిత్, చింటూ తదితరులు పాల్గొన్నారు.

RELATED ARTICLES

ఒక సమాధానం వదిలి

దయచేసి మీ వ్యాఖ్యను నమోదు చేయండి!
దయచేసి ఇక్కడ మీ పేరు నమోదు చేయండి

ట్రెండింగ్ న్యూస్