హుజురాబాద్ ఉప ఎన్నికల ప్రచారంలో బిజెపి రాష్ట్ర ఇంచార్జ్ తరుణ్ చుగ్ పాల్గొన్నారు నియోజకవర్గానికి సంబంధించి బీజేపీ మేనిఫెస్టో ఆయన విడుదల చేశారు అందరికీ కేంద్ర ప్రభుత్వ పథకాలు అందిస్తామని హుజరాబాద్ లో విద్యావ్యవస్థ వ్యాప్తికి అభివృద్ధికి పాటుపడతానని తెలిపారు కెసిఆర్ పాలన నైజాం కాలాన్ని గుర్తు చేసిందని అన్నారు గెలిపించి కెసిఆర్ సహకారాన్ని అందించాలని కోరారు మాట్లాడారు.

కెసిఆర్ తనకు ఏ బాధ్యత అప్పగించిన మచ్చ లేకుండా చేశానని అటువంటి తనపై అక్రమ ఆరోపణలు చేసి బయటకు పంపించడని హుజురాబాద్ బిజెపి అభ్యర్థి మాజీ మంత్రి ఈటెల రాజేందర్ అన్నారు. హనుమకొండ జిల్లా కమలాపూర్ లో మంగళవారం ఆయన ఎన్నికల ప్రచారంలో మాట్లాడారు. 18 ఏండ్లు టిఆర్ఎస్ పార్టీని తెలంగాణ వ్యాప్తంగా విస్తరించానని గుర్తు చేసుకున్నారు. టిఆర్ఎస్ పార్టీ ఎన్ని కుట్రలు చేసినా బీజేపీదే గెలుపని ధీమా వ్యక్తం చేశారు. అనంతరం పద్మశాలి కులస్తులతో సమావేశం అయ్యారు. ఈ ఈటెల ఒక్కడిపై పోరాడి గెలవలేక ఈ.. వందల కోట్లు ఖర్చు చేసి ఇన్ని వేల కోట్ల హామీలు ఇచ్చరని మండిపడ్డారు. ఎవరు ఏది అడిగినా ఇస్తున్నారని దుయ్యబట్టారు. అక్రమంగా సంపాదించిన వందల కోట్లు హుజరాబాద్ నియోజకవర్గలో ఖర్చు చేస్తున్నారని విమర్శించారు. కెసిఆర్ అహకారాన్ని బొంద పెట్టకపోతే రేపు రాష్ట్రానికి పరిచయం రాబోతుందని ఆయన అన్నారు. తన ప్రాణాన్ని పణంగా పెట్టి ఆస్తులు అమ్ముకుని అయినా కెసిఆర్ దుర్మార్గాల పై పోరాడుతానని అన్నారు. టిఆర్ఎస్ కు ఓటు వేయకపోతే తే పెన్షన్లు దళిత బందు రానివ్వకుండా చేస్తామని అని దుయ్యబట్టారు.
తమకు ఓట్లు లేకుంటే సొసైటీ పాలకవర్గాలను కథం చేస్తామని మంత్రులు ఎమ్మెల్యేలు బెదిరిస్తునరని అన్నారు.

ప్రియుడితో ఎంజాయ్ చేసేందుకు భర్త అడ్డుగా ఉన్నాడని భావించి ఐదుగురు పిల్లలు ఉన్న భార్య, ప్రియుడితో కలసి భర్తను హతమార్చింది. తీరా శవాన్ని మాయం చేసేందుకెళ్తుండగా కారు సహకరించక పోవడంతో కథ మొత్తం అడ్డం తిరిగింది. చేసేదేమీ లేక కారును, కారులో శవాన్ని అలానే వదిలేసి పరారయ్యారు. సమాచారం అందుకున్న పోలీసులు ఎంట్రీ ఇవ్వడంతో భార్య బండారం మొత్తం బయటపడింది. వివాహేతర సంబంధం మోజులో కట్టుకున్న భర్తను కడతేర్చినట్లు తేలింది. ఈ సంఘటన హయత్ నగర్ పోలీస్ స్టేషన్ పరిధిలో వెలుగు చూసింది. పోలీసులు తెలిపిన వివరాలు ఇలా ఉన్నాయి . కర్ణాటకలోని గుల్బర్గా పరిధిలోని ఫెరోజాబాద్క చెందిన మహమూద్ ముస్తాక్ పటేల్ ( 46 ) ఇరవై ఏళ్ల కింద నగరానికి వలసొచ్చారు. కుటుంబం తో సహా సైదాబాద్లోని జహంగీర్ నగర్ నివాసముంటున్నారు . ముస్తాక్ లారీ డ్రైవర్గా పనిచేసేవాడు . అతని భార్య ఫిర్జోద్ బేగం కూరగాయాల వ్యాపారం చేస్తోంది. వారికి ఇద్దరు కూతుళ్లు , ముగ్గురు కుమారులు ఉన్నారు . ఐదురుగు బిడ్డలున్న ఆ తల్లి దారితప్పింది . భర్తకి తెలియకుండా మరొకరితో బరితెగించింది . అమీద్ పటేల్ అనే వ్యక్తితో వివాహేతర సంబంధం పెట్టుకుంది . ప్రియుడి మోజులో పడిన ఫిర్జోద్ బేగం .. భర్తను చంపేందుకు పథకం రచించింది . ప్రియుడితో కలిసి భర్తను దారుణంగా హతమార్చింది . నగర శివార్లకు తీసుకెళ్లి ప్రియుడు అమీద్ పటేల్ , అతని స్నేహితుడు సయ్యద్ నాయబ్తో కలసి ముస్తాక్ పటేల్ను కిరాతకంగా చంపేశారు. అనంతరం శవాన్ని మాయం చేసేందుకు వెళ్తుండగా కారు రిపేరు తో మొరాయించడంతో దారుణం వెలుగులోకి వచ్చింది . హయత్ నగర్ రేడియో స్టేషన్ సమీపంలో రాజస్థాన్ కళాకరుల బొమ్మల తయారీ కేంద్రం వద్ద కారును వదిలేసి నిందితులు పరారయ్యారు . కారులో శవాన్ని గుర్తించిన స్థానికుల సమాచారం అందిండచంతో పోలీసులకు రంగంలోకి దిగారు . కారులో శవాన్ని పరిశీలించారు . అతని వద్ద లభించిన డ్రైవింగ్ లైసెన్స్ , భార్య ఫోన్ నంబర్ ఆధారంగా హతుడు ముస్తాక్ పటేల్గా నిర్ధారించారు . భార్య ఫిర్జోద్ బేగంతో పాటు కుటుంబ సభ్యులను పిలిపించి విచారణ జరపడంతో అసలు విషయం బయటపడింది . ఫిర్జోద్ వివాహేతర సంబంధం గురించి తెలియడంతో పోలీసులు ఆ దిశగా విచారణ చేపట్టి కీలక విషయాలు రాబట్టారు . కట్టుకున్న భార్యే ప్రియుడితో కలిసి భర్తను హతమార్చినట్లు తేల్చారు . శవాన్ని తీసుకెళ్తుండగా కారు ఆగిపోవడంతో అక్కడే వదిలేసి పరారైనట్లు వెల్లడైంది. నిందితులను పోలీసులు అదుపులోకి తీసుకుని విచారణ జరుపుతున్నారు

సర్కిల్ ఇన్స్పెక్టర్, సబ్ ఇన్స్పెక్టర్
లను సస్పెండ్ చేసిన పోలీస్ కమిషనర్
నారసింగి పోలీస్ స్టేషన్ సర్కిల్ ఇన్స్పెక్టర్ గంగాధర్, సబ్ ఇన్స్పెక్టర్ లక్ష్మణ్ లపై భూ వివాదాల కు సంబంధించిన అవినీతి ఆరోపణలు రావడంతో వారిద్దరిని సస్పెండ్ చేస్తూ కమిషనర్ ఉత్తర్వులు ఇచ్చారు. సర్కిల్ ఇన్స్పెక్టర్, సబ్ ఇన్స్పెక్టర్ వీరిద్దరూ భూ వివాదాల్లో కల్పించుకున్న ట్లు ఆరోపణలు రావడంతో పోలీస్ కమిషనర్ స్టీఫెన్ రవీంద్ర వీరిపై చర్యలు తీసుకున్నారు. వీరిపై అంతర్గత విచారణకు ఆదేశించినట్లు సమాచారముంది