హుస్నాబాదు నుండే పోరుకు సిద్ధం -సిపిఐ రాష్ట్ర కార్యదర్శి చాడ వెంకటరెడ్డి రానున్న శాసనసభ ఎన్నికల్లో హుస్నాబాద్ నుండి సిపిఐ పార్టీ పోరుకు సిద్ధపడుతుందని సిపిఐ రాష్ట్ర కార్యదర్శి చాడ వెంకటరెడ్డి అన్నారు.సోమవారం నాడు హుస్నాబాద్ లోని స్థానిక అణభేరి,సింగిరెడ్డి అమరుల భవన్ లో జరిగిన సిపిఐ హుస్నాబాద్ నియోజకవర్గ స్థాయి ముఖ్య నాయకుల సమావేశంకు ముఖ్య అతిథిగా హాజరై సందర్భంగా చాడ వెంకటరెడ్డి మాట్లాడారు. ఆయన మాట్లాడుతూ కేంద్ర, రాష్ట్ర ప్రభుత్వాలు పూర్తిగా ప్రజా వ్యతిరేక విధానాలను అవలంభిస్తున్నాయని, అనేక త్యాగాల పునాదుల మీద ఏర్పడిన తెలంగాణ రాష్ట్రంలో సంక్షేమ పథకాల పేరుతో అధికారంలోకి వచ్చిన టిఆర్ఎస్ పార్టీ గత ఏడు సంవత్సరాల్లో ప్రజలకు ఒరగబెట్టింది ఏమీ లేదని. రానున్న రోజుల్లో భారత కమ్యూనిస్టుపార్టీ కార్యకర్తలు స్థానిక సమస్యలపై ఎప్పటికప్పుడు ఉద్యమాలు నిర్వహించాలని ఆయన కార్యకర్తలకు పిలుపునిచ్చారు. హుస్నాబాద్ నియోజకవర్గ పరిధిలో పార్టీ బలోపేతం కోసం కృషి చేయాలని ఆయన అన్నారు. రాబోయే శాసనసభ ఎన్నికల్లో హుస్నాబాద్ నుండి సిపిఐ పార్టీగా బరిలో ఉంటుందని దాన్ని దృష్టిలో పెట్టుకొని ఇప్పటినుండే పార్టీకి పునర్వైభవం తీసుకురావాలని పిలుపునిచ్చారు. ఈ కార్యక్రమంలో సిపిఐ రాష్ట్ర కార్యదర్శివర్గ సభ్యులు కలవేని శంకర్, సిద్దిపేట,కరీంనగర్ జిల్లా కార్యదర్శులు మంద పవన్,పోనగంటి కేదారి,హన్మకొండ జిల్లా సహాయ కార్యదర్శి,కర్రె భిక్షపతి,ఎఐవైఎఫ్ రాష్ట్ర కార్యదర్శి మారుపాక అనిల్ కుమార్, సిపిఐ రాష్ట్ర సమితి సభ్యులు గడిపే మల్లేశ్,బోయిని అశోక్,వెల్పుల బాలమల్లు, యెడల వనేశ్, బత్తుల బాబు, కనుకుంట్ల శంకర్,కనుమాల ప్రతాప్ రెడ్డి,జేరిపోతుల జనార్ధన్, సిపిఐ జిల్లా కౌన్సిల్ సభ్యులు బైరగోని శంకర్, మహిళ సమాఖ్య జిల్లా అధ్యక్షురాలు యాద పద్మ,మాలోతు ఉమా,శనిగరం లక్ష్మి, తదితరులు పాల్గొన్నారు.

జనగామ జిల్లాలో
ప్రైవేటు లగ్జరీ బస్సు దగ్ధం
-డ్రైవర్ చాకచక్యంతో ప్రయాణికులు సురక్షితం
– షార్ట్ సర్క్యూట్ కావడంతో జరిగిన ప్రమాదం
-జనగామ జిల్లా నెల్లుట్ల వద్ద ఘటన
-ప్రమాద సమయంలో బస్సు లో 26 మంది ప్రయాణికులు
-చత్తిస్ ఘడ్ నుంచి హైద్రాబాద్ కు వస్తుండగా ప్రమాదం

చత్తీస్ఘడ్ రాష్ట్రం నుండి హైదరాబాద్ వస్తున్న సెమీ లగ్జరీ బస్సు షార్ట్ సర్క్యూట్ కారణంగా అగ్ని ప్రమాదానికి గురైంది. ప్రమాదం జరిగినప్పుడు బస్సులో 26 మంది ప్రయాణికులు ఉన్నారు. డ్రైవర్ చాకచక్యంతో ప్రయాణికులు సురక్షితంగా ప్రాణాలతో బయట పడ్డారు. సేమీ లగ్జరీ బస్సు చత్తీస్గడ్ నుండి వస్తున్న క్రమంలో జనగామ జిల్లా నెల్లుట్ల వద్ద కు రాగానే బస్సు బస్సు కింద నుండి పొగలు రావడాన్ని డ్రైవర్ గమనించి బస్సును పక్కకు ఆపివేశారు. ప్రయాణికులను అప్రమత్తం చేసి వెంటనే దింపేశారు. బస్సు ఇంజన్ లో షార్ట్ సర్క్యూట్ వల్ల మంటలు వ్యాపించి బస్సు పూర్తిగా దగ్ధమైంది. డ్రైవర్ చాకచక్యాన్ని పలువురు అభినందించారు

తెలంగాణ రాష్ట్ర ముదిరాజ్ సంఘాన్ని కృష్ణ స్వామి ముదిరాజ్. స్థాపించి వంద సంవత్సరాలు నిండినది. అందులో భాగంగా దుబ్బాక నియోజకవర్గంలో ఆదివారం రోజున దుబ్బాక వీధుల గుండా భారీ ర్యాలీ నిర్వహించి జెండా ఎగరవేయడం జరిగింది. ముదిరాజులు రాష్ట్ర జనాభాలో ముదిరాజుల జనాభా ఎక్కువగా ఉన్నప్పటికీ ప్రభుత్వం నుంచి వచ్చే సంక్షేమ పథకాలు ముదిరాజులకు అందడం లేదని ఆవేదన వ్యక్తం చేశారు. ఇప్పటికైనా రాష్ట్ర ప్రభుత్వం ముదిరాజుల పై కరుణించి సంక్షేమ పథకాలు అందే విధంగా చర్యలు తీసుకోవాలని దుబ్బాక మండల అధ్యక్షుడు మాడబోయిన రాజు పేర్కొన్నారు

సిద్దిపేటలో దసరా వేడుకలు శుక్రవారం అంగరంగ వైభవంగా ప్రారంభమయ్యాయి. సిద్దిపేట కోటి లింగేశ్వర స్వామి క్షేత్రం లో ఉదయం 10 గంటల 30 నిమిషాల ప్రాంతంలో శమీ వృక్షానికి పూజలు చేసి వేడుకలను ప్రారంభించారు ఆలయ ప్రధాన వైదికులు దసరా పండుగ ప్రాశస్త్యాన్ని వివరించారు. అందరికీ శమి వృక్షం అనగా మహాభారత కాలంలో అర్జునుడు ఆయుధాలు దాచిందే ఎక్కువగా తెలుసునని, కానీ శమి వృక్షం అనగా అగ్నికి చిహ్నమని, విజయానికి గుర్తు అని చెప్పారు. కాగా నర్సాపూర్, రంగాధంపల్లీలో కూడా వేడుకలు జరిగాయి