హత్య కేసు సేదించిన పోలీసులు

నిజామాబాద్ యదార్థవాది ప్రతినిధి

మల్కాపూర్ శివారులోని అటవీ ప్రాంతంలో జరిగిన హత్య కేసు చేదించిన నిజామాబాద్ పోలీసులు కమిషనర్ కార్యాలయంలో మంగళవారం నిర్వహించిన విలేకరుల సమావేశంలో పోలీస్ కమిషనర్ కేఆర్ నాగరాజు కేసు వివరాలు వెల్లడించారు మల్కాపూర్ తాండ కేశవత్ ప్రకాష్ ఇచ్చిన ఫిర్యాదు మేరకు సీఐ నరేష్ షేక్ రజిని పట్టుకొని విచారించగా తన స్నేహితుడైన నిజాముద్దీన్ కత్తితో పొడిచి చంపానని నేరని అంగీకరించాడు వివరాల్లోకెళ్తే ఎండి నిజాముద్దీన్ షేక్ హజి తొమ్మిది సంవత్సరాలుగా ఇద్దరు స్నేహితులుగా కలిసిమెలిసి ఉన్నారు గత ఆరు నెలల క్రితం నిజాముద్దీన్ పని చేసే వద్ద హాజీని కొట్టినాడు. హజీకి పని దొరకకుండా నిజాముద్దీన్ చేసినాడు. నిజాముద్దీన్ కాలు విరిగిపోయినప్పుడు హజి చేసిన సేవలు కూడా గుర్తు పెట్టుకోకుండా అతన్నితో గొడవ పడినందున అతని నమ్మించి చంపివేయాలని అనుకున్నాడు హజి. ఆ విధంగా అతడు మూడు నెలల క్రితం అతన్ని దావత్ చేసుకుందాం అని పిలిచి మల్కాపూర్ శివారులోని అడవికి మందు తీసుకొని వెళ్లి అక్కడ నిజాముద్దీన్ కు మందు త్రాగిపించి , తాగిన మత్తులో నిజాముద్దీన్ ఉండగా హాజి అతని కత్తితో కడుపులో ఇష్టం వచ్చినట్టు పొడిచి చంపేసినాడు తర్వాత అతని ఎవరు గుర్తుపట్టకుండా అతనిపైన కట్టెలు వేసి కాల్చి వేసినాడు. అని చెప్పి తాను చేసిన నేరాన్ని ఒప్పుకున్నాడు హాజి పై సెక్షన్ 384/2022 u/s 302 201 కేసు నమోదు చేసి జ్యూడిషల్ రిమాండ్ కు పంపుతున్నట్లు తెలిపారు ఈ సమావేశంలో ACPవెంకటేశ్వర్ సి ఐ జె. నరేష్ పి. ఎస్ SIP G లింబాద్రి పోలీస్ సిబ్బంది పాల్గొన్నారు

కార్యదర్శులకు, ఎంపీవోలకు అవగాహన కార్యక్రమం

యదార్థవాది ప్రతినిధి కామారెడ్డి

గ్రామాలలో అనుమతి లేకుండా గృహాల నిర్మాణం చేపడితే వారికి పంచాయతీ కార్యదర్శులు నోటీసులు ఇవ్వాలని జిల్లా కలెక్టర్ జితేష్ వి పాటిల్ అన్నారు. కామారెడ్డి కలెక్టర్ కార్యాలయంలోని సమావేశ మందిరంలో జిల్లా పంచాయతీ, రిలయన్స్ ఫౌండేషన్ ఆధ్వర్యంలో మంగళవారం లేఅవుట్ రూల్స్, బిల్డింగ్ రెగ్యులేషన్స్ ఇతర కార్యక్రమాలపై పంచాయతీ కార్యదర్శులకు, ఎంపీవో లకు అవగాహన కార్యక్రమం నిర్వహించారు. ఈ కార్యక్రమానికి జిల్లా కలెక్టర్ ముఖ్యఅతిథిగా హాజరై మాట్లాడారు. అసైన్మెంట్, ఫారెస్ట్ భూముల్లో గృహాలు నిర్మించడానికి అనుమతి ఇవ్వరాదని తెలిపారు. పౌల్ట్రీ పామ్ కు అనుమతి ఇవ్వవద్దని చెప్పారు. సంబంధిత పరిశ్రమల శాఖ నుంచి అనుమతి తీసుకోవాల్సి ఉంటుందని సూచించారు. సొంత స్థలంలో గృహాలు నిర్మించుకునే వారికి అనుమతి ఇవ్వాలని సూచించారు. చట్టం ప్రకారం లేఅవుట్ రూల్స్ పాటించాలని కోరారు. గ్రామాల్లో పంచాయతీ కార్యదర్శులు తడి పొడి చెత్తను సేకరించే విధంగా చూడాలన్నారు. సేకరించిన చెత్తను డంపింగ్ యార్డ్ కు తరలించి తడి, పొడి చెత్తను వేరుచేసి తడి చెత్త ద్వారా సేంద్రియ ఎరువులు తయారుచేసి గ్రామాల్లోని రైతులకు విక్రయించి పంచాయతీ ఆదాయాన్ని పెంపొందించుకోవాలని సూచించారు. పొడి చెత్తను విక్రయించి ఆదాయాన్ని రాబట్టాలని కోరారు. గ్రామాల్లో ఇంకుడు గుంతల నిర్మాణం చేపట్టి భూగర్భ జలాల పెంపునకు అధికారులు కృషి చేయాలని పేర్కొన్నారు. ఇంటి పనులు అన్ని గ్రామాల్లో 100% వసూలు చేయాలని తెలిపారు. ప్రతి గ్రామంలో క్రీడా ప్రాంగణాలు పూర్తి చేయాలని చెప్పారు. సమావేశంలో స్థానిక సంస్థల అదనపు కలెక్టర్ వెంకటేష్ దోత్రే మాట్లాడారు. జిల్లాలో 146 గ్రామాలు ఓడిఎఫ్ ప్లస్ లో ఉన్నాయని తెలిపారు. పరిశుభ్రత కార్యక్రమాలు అన్ని గ్రామాల్లో చేపట్టాలని చెప్పారు. సమావేశంలో జెడ్పి సీఈవో సాయా గౌడ్, ఇన్చార్జి డిపిఓ సాయిబాబా, డిటిసిపిఓ నరహరి, డిఎల్పిఓ సురేందర్, రిలయన్స్ ఫౌండేషన్ డిపిఎం రాజు, ఎస్బిఎం సమన్వయకర్తలు మధు కృష్ణ, నారాయణ ఎంపీవోలు, అధికారులు పాల్గొన్నారు.

జిల్లా పోలీస్ కార్యాలయాన్ని సందర్శించిన జోన్- 3 డిఐజి

యదార్థవాది ప్రతినిధి కామారెడ్డి

కామారెడ్డి జిల్లా పోలీస్ కార్యాలయాన్ని సందర్శించిన జోన్- 3 రాజన్న రేంజ్ డిఐజి రమేష్ నాయుడు జిల్లా ఎస్పీ బి. శ్రీనివాస రెడ్డి అదనపు ఎస్పీ J అన్యోన్య పుష్పగుచ్చం సమర్పించి స్వాగతం తెలిపారు. తదుపరి పోలీసుల గౌరవ వందనం స్వీకరించారు. అంతరం పోలీస్ కార్యాలయంలోని కాన్ఫరెన్స్ హాల్ నందు జిల్లాలోని  అధికారులతో సమావేశం నిర్వహించి మాట్లాడుతూ ప్రజలకు అవసరమైన వెంటనే స్పందించి సహాయపడాలని అప్పుడే పోలీస్ శాఖకు మంచి పేరు వస్తుందని తెలియజేశారు. పోలీస్ శాఖ ఉద్యోగం (యూనిఫామ్ సర్వీస్) చాలా ఉన్నతమైనదని అందుకనే ప్రతి ఒక్క పోలీస్ అధికారి తన వంతు బాధ్యతగా సక్రమంగా విధులు నిర్వహించి బాధితులు పోలీస్ స్టేషన్ కు వచ్చిన వెంటనే వారి సమస్యలను క్లుప్తంగా విని అతి త్వరగా సమస్య పరిష్కారమయ్యే విధంగా చర్యలు తీసుకోవాలని అధికారులందరికీ సూచించడం జరిగినది. ఈ సమావేశానికి జిల్లాలోని ఎస్ఐలు, సిఐలు కామారెడ్డి బాన్సువాడ ఎల్లారెడ్డి డీఎస్పీ పాల్గొన్నారు.