క్షత్రియ రామజోగి అసోసియేషన్ క్యాలెండర్ ఆవిష్కరణ

గజ్వేల్ యదార్థవాది ప్రతినిధి

సీఎం క్యాంప్ కార్యాలయంలో ఆదివారం ఎఫ్డిసి, చైర్మన్ ప్రతాప్ రెడ్డి,మున్సిపల్ చైర్మన్ రాజమౌళి, రామజోగి అసోసియేషన్ ప్రధాన కార్యదర్శి రామ్ ప్రసాద్ ఆధ్వర్యంలో తెలంగాణ క్షత్రియ రామజోగి అసోసియేషన్ నూతన సంవత్సర క్యాలెండర్ ఆవిష్కరించి ఈసందర్భంగా వారు మాట్లాడుతూ సీఎం కేసీఆర్ నేతృత్వంలో తెలంగాణ రాష్ట్రం ఏర్పడ్డ తర్వాత ప్రతి కులానికి ప్రాధాన్యత ఇస్తూ అందులో భాగంగా తెలంగాణ క్షత్రియ రామ జోగి కులం సమాజానికి అన్ని విధాలా అండగా ఉంటుందని ఈరోజు నూతన క్యాలెండర్ ఆవిష్కరణ కార్యక్రమంలో పాల్గొన్న క్షత్రియ రామజోగి సమాజానికి అభినందనలు తెలిపారు ఈ కార్యక్రమంలో కౌన్సిలర్ ఉప్పల మెట్టయ్య, బి ఆర్ ఎస్ పట్టణ అధ్యక్షుడు నవాజ్ మీరా,తెలంగాణ క్షత్రియ రామజోగి అసోసియేషన్ సిద్దిపేట జిల్లా అధ్యక్షులు, గుజ్జేటి వెంకటేశం, ఉపాధ్యక్షులు గుజ్జేటి శ్రీనివాస్,సభ్యులు రామచంద్రం, కిరణ్, రాజు, భారతి, లక్ష్మి, సుమలత, వసంత, తదితరులు పాల్గొన్నారు.

కోటి తలంబ్రాలు దీక్షలో… శ్రీరామకోటి

యదార్థవాది ప్రతినిధి గజ్వేల్

భద్రాచంలో రాముల వారి కల్యాణానికి ఉపయోగించే కోటి తలంబ్రాల దీక్ష అద్భుత కార్యక్రమంలో పాల్గొనే ధార్మిక సంస్థలను భద్రాచల దేవస్థానం ఎంపిక చేసుకుంది. అందులో భాగంగా సిద్దిపేట జిల్లా గజ్వేల్ పట్టణానికి చెందిన శ్రీరామకోటి భక్త సమాజం ధార్మిక సేవా సంస్థ ఉండడం చాలా ఆనందంగా ఉందన్నారు. సంస్థ వ్యవస్థాపక, అధ్యకులు రామకోటి రామరాజు అన్నారు. ఈ సందర్భంగా వారు మాట్లాడుతూ గత 20సంవత్సరాల నుండి మా ఆధ్యాత్మిక సేవలు భద్రాచలం గుర్తించిందన్నారు. భద్రాచలం నుండి మాకు వడ్లు రావడం జరిగిందని భక్తులచే వాటిని గోతిలో మాత్రమే వొలిచి తిరిగి భద్రాచలం దేవస్థానానికి పంపాలి. వాటిని భద్రాచల దేవస్థానం వారు శ్రీరామనవమి రోజున సీతారాముల కల్యాణం సమయంలో ఈ తలంబ్రాలను సీతారాములకు ఉపయోగిస్తారన్నారు ఈ అదృష్టం మాకు రావడం చాలా అందంగా ఉందని రామకోటి సంస్థ భక్తులు కొనియాడారు ఈ కార్యక్రమం త్వరలో శ్రీకారం చుట్టనున్నామని సంస్థ అధ్యక్షుడు రామకోటి రామరాజు అన్నారు.

రేపటి నుండి రేవంత్ రెడ్డి పాదయాత్ర

టార్గెట్.. మహబూబాబాద్ పార్లమెంట్..!!

యదార్థవాది ప్రతినిది

ములుగులో సమ్మక్క-సారలమ్మలకు మొక్కి యాత్ర ప్రారంభం..

నర్సంపేట, మహబూబాబాద్, డోర్నకల్, ఇల్లందు, పినపా నియోజకవర్గాల మీదుగా భద్రాచలం దాకా..!!

కాంగ్రెస్ శ్రేణుల్లో కనిపిస్తున్న ఉత్సాహం.. ఏర్పాట్లలో అసెంబ్లీ టిక్కెట్ ల ఆశావాహులు…

గంజాయి పట్టుకున్న పోలీసులు..
1.25 కిలోల గంజాయి పట్టుకున్న టాస్క్ ఫోర్స్ పోలీసులు..

యదార్థవాది ప్రతినిది మంచిర్యాల

మంచిర్యాల జిల్లా మందమర్రి పోలీస్ స్టేషన్ పరిధి లో గంజాయి ఇతర ప్రాంతం ల నుండి తీసుకు వస్తున్నారనే నమ్మదగిన సమాచారం మేరకు మంచిర్యాల టాస్క్ ఫోర్స్ ఇన్స్పెక్టర్ అశోక్, సబ్ ఇన్స్పెక్టర్ లచ్చన్న సిబ్బంది తో కలిసి మందమర్రి లోని టోల్ ప్లాజా వద్ద అనుమానస్పదంగా కనిపించిన ఇద్దరు వ్యక్తులను అదుపులోకి తీసుకోని విచారించారు. వారిచ్చిన సమాచారం మేరకు మంచిర్యాల, రెడ్డి కాలనీలో ఒక ఇంటిలో నిల్వచెసిన 1.25 కిలోల గంజాయి దొరకడం జరిగిందని, ఇద్దరు నిందితులను అదుపులోకి తీసుకొన్నమని, అందులో ఒకరు మైనరు అని పోలీసులు తెలిపారు..

హైదరాబాద్‌- విజయవాడ మార్గంలో ఆంక్షలు.. పెద్దగట్టు జాతర నేపథ్యంలో ఈ నెల 9 వరకు..

యదార్థవాది ప్రతినిధి నల్గొండ

 సూర్యాపేట సమీపంలోని దురాజ్‌పల్లి లింగమంతుల స్వామి (పెద్దగట్టు) జాతర సందర్భంగా ఆదివారం నుంచి హైదరాబాద్‌- విజయవాడ జాతీయ రహదారిపై సూర్యాపేట వద్ద ట్రాఫిక్‌ మళ్లింపు ఉంటుందని జిల్లా ఎస్పీ రాజేంద్ర ప్రసాద్‌ తెలిపారు.హైదరాబాద్‌ నుంచి విజయవాడ వైపు వెళ్లే వాహనాలను సూర్యాపేట సమీపంలోని టేకుమట్ల (మూసీ) బ్రిడ్జి వద్ద జాతీయ రహదారి 65 నుంచి ఖమ్మం వెళ్లే జాతీయ రహదారి 365 బీబీ మీదుగా మళ్లిస్తారు. రాఘవాపురం స్టేజ్‌, నామవరం, గుంజలూరు స్టేజ్‌ వద్ద తిరిగి 65వ జాతీయ రహదారిపైకి వెళ్లేలా రూట్‌మ్యాప్‌ రూపొందించారు. భారీ, సరకు రవాణా వాహనాలు మాత్రం టేకుమట్ల నుంచి ఖమ్మం జాతీయ రహదారి మీదుగా నాయకన్‌గూడెం నుంచి కోదాడకు వెళ్లేలా పోలీసులు చర్యలు చేపడుతున్నారు..విజయవాడ నుంచి హైదరాబాద్‌ వెళ్లే వాహనాలు కోదాడ, మునగాల, గుంపుల మీదుగా దురాజ్‌పల్లి సమీపంలోని స్వామి నారాయణ ట్రస్ట్‌ ఎదురుగా ఉన్న ఎస్సారెస్పీ కాల్వ నుంచి బీబీగూడెం, రోళ్లవాగుతండా మీదుగా టేకుమట్ల బ్రిడ్జి మీదకు మళ్లిస్తారు. భారీ, సరకు రవాణా వాహనాలు కోదాడ, నేరేడుచర్ల, మిర్యాలగూడ, నల్గొండ మీదుగా నార్కట్‌పల్లి వద్ద జాతీయ రహదారి 65పైకి చేరుకోవాలి. అవసరమైతే వ్యక్తిగత వాహనాలు సైతం ఇదే మార్గంలో వస్తే ట్రాఫిక్‌ ఇబ్బందులు ఉండవని పోలీసులు సూచిస్తున్నారు.