హైదరాబాద్ లో కాల్పుల కలకలం.. మూడు రౌండ్లు కాల్పులు చేసి మరి !

యధార్థవాది ప్రతినిధి హైదరాబాద్:
హైదరాబాద్ మహానగరంలో మరో దారుణం చోటుచేసుకుంది. మేడ్చల్ జిల్లాలో అర్ధరాత్రి కాపుల కలకలం రేగింది. మూడు చింతలపల్లి మండలం ఉద్దెమర్రిలోని వైన్ షాప్ వద్ద గుర్తు తెలియని దుండగులు గాల్లోకి మూడు రౌండ్లు కాల్పులు జరిపారు..అనంతరం వైన్స్ సిబ్బందిని బెదిరించి రూ. రెండు లక్షలు ఎత్తుకెళ్లారు. దీంతో అక్కడ ఉద్రిక్త పరిస్థితులు నెలకొన్నాయి. సమాచారం అందుకున్న పోలీసులు విచారణ చేపట్టారు. అయితే ఈ ఘటనకు కారణమైన నిందితులను గాలించే పనిలో పడ్డారు పోలీసులు. కాగా ఈ ఘటనపై ఇంకా వివరాలు తెలియాల్సి ఉంది.

ప్రభుత్వ ఉద్యోగులకు గుడ్‌న్యూస్‌..

యధార్థ వాది ప్రతినిధి హైదరాబాద్‌:

తెలంగాణ ప్రభుత్వ ఉద్యోగులకు సర్కారు గుడ్‌న్యూస్‌ చెప్పింది. ఉద్యోగులకు ఒక డీఏ (2.73 శాతం) మంజూరు చేస్తూ ఉత్తర్వులు జారీ చేసింది..జనవరి పింఛన్‌తో కలిపి ఫిబ్రవరిలో పింఛన్‌దారులకు డీఏచెల్లించనుంది. 2021 జులై నుంచి 2022 డిసెంబర్‌ నెలాఖరు వరకు 8 విడతల్లో డీఏ బకాయిలను జీపీఎఫ్‌లో జమ చేయనున్నట్లు ఉత్తర్వుల్లో పేర్కొంది. సీఎం కేసీఆర్ నిర్ణయం మేరకు ప్రభుత్వ ఉద్యోగులు, పెన్షనర్లకు కరవు భత్యం (DA) 2.73 శాతం పెంచుతూ తెలంగాణ ప్రభుత్వం నిర్ణయం తీసుకుందని ఆర్థికశాఖ మంత్రి హరీశ్‌ రావు తెలిపారు. ఈ మేరకు ఆయన ట్వీట్ చేశారు. ఉద్యోగులు, పెన్షనర్ల డీఏను 17.29 నుంచి 20.02 శాతానికి పెంచినట్లు తెలిపారు. డీఏ పెంపుతో 4.40 లక్షల మంది ఉద్యోగులు, 2.88 లక్షల మంది పెన్షనర్లకు లబ్ధి చేకూరనున్నట్లు ఆయన పేర్కొన్నారు.

యువత క్రీడల్లో రాణించాలి

క్రికెట్ పోటీలో గెలుపొందిన క్రీడాకారులకు బహుమతి ప్రధానం

యదార్థవాది ప్రతినిధి గజ్వేల్ జనవరి 

గ్రామీణ ప్రాంత క్రీడాకారులను వెలికి తీసి జాతీయస్థాయిలో రాణించడానికి ఏర్పడ్డది తెలంగాణ క్రికెట్ అసోసియేషన్ అని టిసిఏ రాష్ట్ర ప్రధాన కార్యదర్శి గురువారెడ్డి అన్నారు సిద్దిపేట జిల్లా గజ్వేల్ లో సోమవారం క్రికెట్ పోటీల్లో గెలుపొందిన వారికి బహుమతి ప్రధానం చేశారు ఆజాదీక అమృత్ మహోత్సవంలో భాగంగా గత నెల రోజులుగా ప్రైమ్ మినిస్టర్ క్రికెట్ కప్ పోటీలు నిర్వహించడం జరిగింది దాదాపు 22 జట్లు పాల్గొన్న జట్లలో ఈరోజు ఫైనల్లో ఆర్ అండ్ ఆర్ కాలనీ కి చెందిన క్రికెట్ జట్టుకు మొదటి ప్రైస్ 20000 రూపాయల నగదు తో పాటు టోపీ, సెకండ్ ప్రైస్ గజ్వేల్ హెల్ రాకర్స్ జట్టుకు 10000 రూపాయలతో పాటు ట్రోఫీ అందజేశారు మాన్ అఫ్ ది మ్యాచ్ తోపాటు నైపుణ్యం ప్రదర్శించిన వారికి క్రీడాకారులకు బహుమతి ప్రధానం చేశారు ఈసందర్భంగా ధరం గురువారెడ్డి మాట్లాడుతూ యువత చదువుతూపాటు క్రీడల్లో రాణించాలని క్రికెట్ క్రీడాకారులకు టిసిఏ ఎప్పుడు అండగా ఉంటుందని అన్నారు.ఈ కార్యక్రమంలో గజ్వేల్ టీసీఏ అధ్యక్షుడు హరిచంద్ర ప్రసాద్, నాగేందర్, బిజెపి నాయకులు నలగామ శ్రీనివాస్, యేళ్లు రాంరెడ్డి, కుడిక్యాల రాములు,మనోహర్ యాదవ్, ఉప్పల మధుసూదన్, క్రికెట్ క్రీడాకారులు పాల్గొన్నారు.

మంత్రి హరీష్ ట్వీట్..

ప్రభుత్వ ఉద్యోగులు, పెన్షనర్లకు శుభవార్త..!

సీఎం కేసీఆర్ నిర్ణయం మేరకు, ప్రభుత్వ ఉద్యోగులకు, పింఛనర్లకు కరువు భత్యం (DA/DR) 2.73% పెంచుతూ తెలంగాణ ప్రభుత్వ నిర్ణయం ప్రస్తుతం ఉన్న 17.29 శాతాన్ని, 20.02 శాతానికి పెంచుతూ ఉత్తర్వులు జారీ. దీనివల్ల 4.40 లక్షల మంది ఉద్యోగులు, 2.88 లక్షల మంది పెన్షనర్లు లబ్ధి పొందనున్నారు.ఈ పెంపు గతేడాది జూలై 1వ తేదీ నుండి వర్తిస్తుంది.

యాదవ కార్పొరేషన్ ఏర్పాటు చేయాలి

మహాపాదయాత్రకు జిల్లా కేంద్రంలో ఘన స్వాగతం

యదార్థవాది ప్రతినిధి సూర్యాపేట

యాదవుల అభివృద్ధికి రాష్ట్ర ప్రభుత్వం యాదవ కార్పొరేషన్ ఏర్పాటు చేయాలని జాతీయ యాదవ హక్కుల పోరాట సమితి అధ్యక్షుడు మేకల రాములు అన్నారు కొండగట్టు వద్ద చేపట్టిన యాదవ మహాపాదయాత్ర సోమవారం జిల్లా కేంద్రంలోని శ్రీ లింగమంతుల స్వామి దేవాలయం కు చేరుకోగా పొల్ల నరసింహారావు యాదవ్ స్వాగతం పలికారు అనంతరం దేవాలయంలో ప్రత్యేక పూజలు నిర్వహించి ఈ సందర్భంగా మాట్లాడుతూ జనాభాలో 20 శాతం ఉన్న యాదవులకు రాజకీయంలో విద్యలో సరైన అవకాశాలు రావడంలేదని ఆవేదన వ్యక్తం చేశారు. 1970 వ సంవత్సరంలో యాదవుల కోసం ఏర్పాటుచేసిన రిజర్వేషన్ రద్దు చేయడం జరిగిందని తిరిగి రిజర్వేషన్ల పునరుద్ధరణ చేపట్టాలని డిమాండ్ చేశారు. రాష్ట్ర ప్రభుత్వం బడ్జెట్లో యాదవుల సంక్షేమానికి 5,000 కోట్లను నిధులు కేటాయించాలని వచ్చే అసెంబ్లీ సమావేశాల్లో యాదవుల కోసం నిధులు కేటాయించకుంటే రాష్ట్రవ్యాప్తంగా ఉద్యమాలు చేస్తామని హెచ్చరించారు అన్ని రాజకీయ పార్టీలు యాదవులను ఓటు బ్యాంకుగా చూస్తూ ఎన్నికల సమయంలో మాత్రమే వాడుకొని తర్వాత వదిలేస్తున్నాయన్నారు. ఏ రాజకీయ పార్టీ అయితే తమ మేనిఫెస్టోలో యాదవుల కోసం కార్పొరేషన్ ఏర్పాటు చేస్తామని తెలుపుతాయో ఆ పార్టీకి యాదవుల పూర్తి మద్దతు ఉంటుందని స్పష్టం చేశారు. కార్యక్రమంలో చిలకల శ్రీనివాస యాదవ్, తిరుగుడు రవి యాదవ్, వీరబోయిన గురుస్వామి యాదవ్, మరల శ్రీనివాస్ యాదవ్, ఎల్లావుల రాము యాదవ్, వంగూరి అంజి యాదవ్, లలిత, భారీ అశోక్ ,వీరబోయిన లింగయ్య తదితరులు పాల్గొన్నారు

నేతాజీ 126 వ జన్మదిన వేడుకలు

సిద్ధిపేట: యదార్థవాది ప్రతినిది

సిద్ధిపేట జిల్లా పట్టణంలో స్థానిక నేతాజీ పబ్లిక్ స్కూల్ లో నేతాజీ జన్మ దిన వేడుకలు ఘనంగా నిర్వహించారు. పాఠశాల ప్రధనోపాధ్యాయులు సుభాష్ చిత్ర పటానికి పూలమాల వేసి జ్యోతి వెలిగించి మాట్లాడుతూ నేతాజీ కణకణ మండే నిప్పుకణం.. భారతజాతి వేకువ కిరణం.. స్వాతంత్య్ర కాంక్షను రగిలించిన సూర్యుడు… జయంతే కాని వర్ధంతి లేని అమరుడు..!! ఆజాద్ హింద్ పౌజ్ ను స్థాపించి తెల్లవారి గుండెల్లో నిద్రించిన వీరుడు.. అణువణువునా దేశభక్తిని నింపుకున్న శూరుడు.. జైహింద్ అంటూ నినదించిన ధీరుడు.. స్వాతంత్య్ర సాధనే తన జీవిత ధ్యేయంగా తపించిన భరతమాత ముద్దు బిడ్డ, ఆజాద్ హింద్ ఫౌజ్ జీవగడ్డ,*నేతాజీ సుభాష్ చంద్రబోస్ గారి జయంతి జరుపుకోవడం వారిని మనం ఆదర్శంగా తీసుకోవడం దేశ అభివృద్ధికి కృషి చేయాలని కోరారు. ఈ సందర్భంగా విద్యార్థులు నృత్య ప్రదర్శన నిర్వహించారు విద్యార్థులు, పేరెంట్స్ నీఎంతగానో అలరించింది నేతాజీ పబ్లిక్ స్కూల్ యాజమాన్యం విద్యార్థులు మరియు ఉపాధ్యాయులు పాల్గొన్నారు. పద్మ, జ్యోతి, లావణ్య, ప్రత్యు శా నరేష్ తదితరులు పాల్గొన్నారు.

హనుమాన్ దేవాలయంలో ప్రత్యేక పూజలు నిర్వహించిన కేటీఆర్ అభిమానులు

వరంగల్: యదార్థవాది ప్రతినిది
వరంగల్ తూర్పు నియోజకవర్గంలో శ్రీ దాసాంజనేయ స్వామి దేవాలయంలో మంత్రి కేటీఆర్ కార్యనిర్వాహణ అధ్యక్షుడిగా 1500 రోజులు పూర్తి చేసుకున్న సందర్భంగా దేవాలయంలో ప్రత్యేక పూజలు నిర్వహించి 1500 కొబ్బరికాయలను కొట్టిన బీఆర్ఎస్ రాష్ట్ర నాయకులు రాజనాల శ్రీహరి.. ఈ సందర్భంగా శ్రీహరి మాట్లాడుతూ రాబోయే రోజులలో కేటీఆర్ నాయకత్వంలో పార్టీని ముందుకు తీసుకెళ్లాలని, ఉన్నత స్థాయి పదవులను అధిరోహించాలని, రాష్ట్రానికి మరిన్ని ఐటి పరిశ్రమలను తీసుకురవాలని, యువతకు ఉపాధి అవకాశాలు కల్పించాలని కోరుకుంటూ ఆ దేవుడు ఆయురారోగ్యాలను ప్రసాదించాలని ఈ కార్యక్రమం చేపట్టడం జరిగిందని తెలిపారు. ఈ కార్యక్రమంలో పోలేపాక ప్రసాద్, కుంభం శివపటేల్, రవి, సతీష్, జశ్వ, అమర్నాథ్ తో పాటు బీఆర్ఎస్ నాయకులు, కార్యకర్తలు, అభిమానులు తదితరులు పాల్గొన్నారు..

పోలీస్ కార్యాలయంలో ప్రజావాణి

మెదక్ యదార్థవాది ప్రతినిది 

మెదక్ జిల్లా పోలీస్ ప్రధాన కార్యాలయంలో జిల్లా ఎస్.పి రోహిణి ప్రియదర్శిని ఫ్రజావాణి కార్యక్రమాన్ని నిర్వహించి ఫిర్యాదుదారుల సమస్యలను విని వాటిని చట్టప్రకారం పరిష్కరించాల్సిందిగా సంబందిత అధికారులకు పలుసూచనలు చేశారు ఈ కార్యక్రమంలో రేగోడ్ గ్రామానికి చెందిన సంగమేశ్వర్ రెడ్డి తన కుమారుడు కాంట్రాక్టర్ గా పని చేయుటకు తన పేరు మీద ఏదైనా ఆస్తి ఉంటేనే జాబ్ ఇస్తారని నన్ను నమ్మించి నేను కొనుగోలు చేసిన 7 ఎకరాల భూమిని నా కొడుకు భవిష్యత్తు కొరకు ఆలోచించి వారి పేరుపై చేయించినానని అంతేకాక కొంత నగదు కూడా ఇచ్చినానని, నేను ఇచ్చినటువంటి భూమిలో నుండి నాకు తెలియకుండా 2 ఎకరాల భూమిని అమ్మివేసినాడని నాకు ఏవిదమైన బ్రతుకు తెరువు లేక నా భార్యా పక్షవాతంతో, నేను గుండె నొప్పితో బాదపడుతూ కుటుంబ పోషణకు కొరకు ఆదారం లేక చాలా ఇబ్బందుల్లో ఉన్నామని కావున తనకు న్యాయం చేయాలని ఫిర్యాదు చేయగా చట్టప్రకారం ఫిర్యాదికి తగిన న్యాయం చేయమని రేగోడ్ ఎస్.ఐ. గారికి సూచనలు చేయటం జరిగింది. అలాగే మాసాయిపేట గ్రామానికి చెందిన రేణుక తన గ్రామానికే చెందిన పాపని సత్యనారాయణకు తేదీ:12.09.2018 లో 2,50,000/- రెండు లక్షల యాభై వేల రూపాలను అప్పుగా ఇచ్చామని ఇట్టి అప్పు వారం రోజుల్లో తిరిగి ఇస్తానని అనడంతో ఇచ్చామని ఆ తర్వాత డబ్బులు ఇవ్వమని అడిగితే రేపు మాపు అంటూ డబ్బులు ఇవ్వడం లేదని ప్రతుత్తం తన భర్త ఆరోగ్యం బాగా లేదని ఆస్పత్రి ఖర్చులకి కూడా డబ్బులు లేవని కావున పైన తెలిపిన వ్యక్తి పై చర్యలు తీసుకుని తనకు న్యాయం చేయాలని ఫిర్యాదు చేయగా చట్టప్రకారం ఫిర్యాదికి తగిన న్యాయం చేయమని రామాయంపేట సి ఐ కి గారికి ఆదేశించారు