మహిళకు చదువు ఎంతో అవసరం

సిద్దిపేట: 13 యదార్థవాది ప్రతినిది

సిద్దిపేట సబ్ కోర్ట్ సీనియర్ సివిల్ జడ్జ్, జిల్లా లీగల్ సర్వీస్ అథారిటీ సెక్రటరీ స్వాతి రెడ్డి సిద్దిపేట పట్టణంలోని భరోసా సెంటర్ సందర్శించారు.. భరోసా సెంటర్, సఖి సెంటర్, స్నేహిత మహిళ సహాయక కేంద్రం సిబ్బందితో మాట్లాడుతూ మహిళలు, పిల్లల రక్షణ, లైంగిక వేధింపులపై అవగాహన కార్యక్రమాల చేపట్టి, లైంగిక వేధింపు కేసులను తగ్గించవచ్చని తెలిపారు. తెలిసి తెలియని వయస్సులో తప్పులు చేస్తుంటారని, ఎలాంటి పొరపాట్లు చేయవద్దని, పిల్లలు మహిళా మనుగడకు చదువు చాలా ముఖ్యమని, చదువు ఉంటే ఏదైనా సాధించవచ్చని తెలిపారు. ఈ కార్యక్రమంలో అడిషనల్ డీసీపీ అడ్మిన్ మహేందర్, భరోసా, సఖి, స్నేహిత మహిళా సపోర్ట్ సెంటర్, నిర్వాహకులు మరియు సిబ్బంది తదితరులు పాల్గొన్నారు.

కోడి పందాలు ఆడితే చర్యలు తప్పవు

రామగుండం: 13 యదార్థవాది ప్రతినిది

తెలంగాణలో కోడి పందాలు, జూదం, పేకాట అనుమతి లేదు..

సంక్రాంతి పండగా సందర్భంగా కోడి పందాలు, జూదం, పేకాట ఆడినా నిర్వహించిన చట్టప్రకారం కట్టినా చర్యలు తీసుకుంటామని చెన్నూర్ రూరల్ సర్కిల్ ఇన్స్ పెక్టర్ విద్యా సాగర్ తెలిపారు. నీల్వాయి పోలీస్ స్టేషన్ పరిధిలోని అనుమానిత కోడి పంద్యలు ఆడెవారికి కౌన్సిలింగ్ నిర్వహించి, వారిని బైండొవర్ చేయడం జరిగిందని తెలిపారు. ఈ సందర్బంగా మాట్లాడుతూ అసాంఘిక కార్యకలాపాలపై పోలీసుల నిఘా ఉంటుందని, కోడిపందాలు, పేకాటకు అనుమతులు లేవని విద్యా సాగర్ తెలిపారు. ప్రజలు ఈ విషయాన్ని గమనించి పేకాట కోడి పందాలకు దూరంగా ఉండాలని తెలిపారు.

పరీక్షల్లో మార్పు చేసిన పోలీస్‌ నియామక మండలి..

హైదరాబాద్‌: 13 యదార్థవాది ప్రతినిది

పోలీస్‌ నియామక మండలి నిర్వహించనున్న ఎస్సై, కానిస్టేబుళ్ల స్థాయి తుది రాత పరీక్షల (మెయిన్స్‌) తేదీల్లో మార్పులు చేసింది. ఎస్సై (ఐటీ), ఏఎస్సై (ఫింగర్ ఫ్రింట్స్), కానిస్టేబుల్, కానిస్టేబుల్ (ఐటీ) పరీక్షల తేదీల్లో మార్పులు జరిగినట్లు టీఎస్‌ఎల్‌పీఆర్‌బీ తెలిపింది. పరీక్షల సమయంలో ఇతర పరీక్షలు ఉన్నాయని, తెలంగాణ పబ్లిక్‌ సర్వీస్‌ కమిషన్‌ చేసిన విజ్ఞప్తి మేరకు తేదీల్లో మార్పులు చేసినట్లు తెలిపింది. ఏప్రిల్ 23వ తేదీన జరగాల్సిన కానిస్టేబుల్ రాత పరీక్షను 30వ తేదీకి, కానిస్టేబుల్ (ఐటీ విభాగం) పరీక్ష ఏప్రిల్ 23వ తేదీ నుంచి 30వ తేదీకి, ఎస్సై(ఐటీ) పరీక్ష మార్చి 12వ తేదీ నుంచి 11వ తేదీకి, ఏఎస్సై( ఫింగర్ ప్రింట్స్) పరీక్ష మార్చి 12వ తేదీ నుంచి 11వ తేదీకి మార్పు చేసినట్లు టీఎస్‌పీఎల్‌ఆర్‌బీ వెల్లడించింది… తెలంగాణ రాష్ట్రంలో ఎస్సై, కానిస్టేబుల్‌ పోస్టుల భర్తీకి గతేడాది ఆగస్టు 7న ప్రాథమిక పరీక్ష నిర్వహించిన విషయం తెలిసిందే. మొత్తం 6,61,198 మంది దరఖాస్తుచేసుకోగా 6,03,955 (91.34శాతం) మంది హాజరయ్యారు. ప్రాథమిక పరీక్షా ఫలితాలను కూడా టీఎస్‌పీఎల్‌ఆర్‌బీ ఇదివరకే వెల్లడించింది. సివిల్‌ ఎస్సై ప్రిలిమినరీ పరీక్షలో 46.80 శాతం, సివిల్‌ కానిస్టేబుల్‌ ప్రాథమిక పరీక్షలో 31.40శాతం, రవాణా కానిస్టేబుల్‌ పరీక్షలో 44.84శాతం, ఎక్సైజ్‌ కానిస్టేబుల్‌ పరీక్షలో 43.65శాతం మంది ఉత్తీర్ణత సాధించారు. వీరిందరికి దేహధారుడ్య పరీక్షలు కూడా నిర్వహించారు. ఇందులో ఉత్తీర్ణత సాధించిన వారికి తుది పరీక్ష నిర్వహించి, ఎంపిక చేయాల్సి ఉంది. ఈ నేపథ్యంలో తుది పరీక్షను తొలుత ప్రకటించిన తేదీల్లో కాకుండా కొత్త తేదీల్లో నిర్వహించనున్నట్లు టీఎస్‌ఎల్‌పీఆర్‌బీ వెల్లడించింది…

రైల్లో నుండి పడి మృతి..

రామగుండం: 13 యదార్థవాది ప్రతినిది

జమ్మికుంట, ఉప్పల్ రైల్వే స్టేషన్ మడిపల్లి గ్రామాపరిదిలో గల రైల్వే గేట్ వద్ద గుర్తుతెలియని రైలు బండిలో నుండి పడుటంతో మృతి చెంది ఉంటాడని తెలుసుతోంది.. మృతుని వయస్సు 30-35, ఎరుపు రంగు టీ షర్ట్, క్రీమ్ కలర్ ప్యాంటు, బ్లూ కలర్ స్వేటర్ దరించి ఉన్నాడు నలుపు తెలుపు రంగు తల వెట్రుకలు, చమన రంగు ఛాయా, కొళ ముఖం మృతి చెందిన వ్యక్తి వద్ద ఎలాంటి గుర్తింపు కార్డులు లేదు శవాన్ని హుజురాబాద్ గవర్నమెంట్ హాస్పిటల్ మార్చురీ భద్రపరుచనైనదని, చనిపోయిన వ్యక్తి ఆచూకి ఎవరికైనా వివరాలు తెలిసినచో రైల్వే పోలీస్ హెడ్ కానిస్టేబుల్ జి.తిరుపతి తెలపగాలరని రామగుండం పోలీసులు తెలిపారు. ఫోన్ నెంబర్లు 9949304574. 9440700039.

వానరులతో జంకుతున్నా..ప్రజలు

హుస్నాబాద్: 12 యదార్థవాది ప్రతినిది

* గుంపుగా వస్తున్న వానరులు..

హుస్నాబాద్ పట్టణ ప్రజలకు వానరులతో జంకుతున్నారు..తెరచివున్న ఇండ్లలోకి దూరి చిన్న పిల్లలను, మహిళలను బెదిరిస్తూ నాన రాబాస చేస్తున్నాయి. ఇప్పటికైనా మున్సిపల్ అధికారులు తక్షణమే స్పందించి పట్టణంలో కోతుల బెడుదను నివారించే ప్రయత్నం చేయాలని కోరుతున్న పట్టణ ప్రజలు.. పట్టణ శివారు లో ప్రభుత్వ స్థలాన్ని గుర్తించి అందులో కోతుల కోసం పండ్ల మొక్కలను పెంచితే వాటి బెడద కాస్త తప్పుతుందని పలువురు అభిప్రాయపడుతున్నారు…

వివేకానందుని ఆదర్శంగా తీసుకోవాలి

ఆర్మూర్: 12 యదార్థవాది ప్రతినిది

బీజేవైఎం ఆర్మూర్ పట్టణ శాఖ ఆధ్వర్యంలో స్వామి వివేకానంద 160 వ జయంతిని “జాతీయ యువజన దినోత్సవం” ఆర్మూర్ మున్సిపాలిటీ పరిధిలో అంబేద్కర్ చౌరస్తా వద్ద స్వామి వివేకానందుని చిత్రపటానికి పూలమాల వేసి ఘనంగా నిర్వహించారు..బిజెపి ఆర్మూర్ పట్టణ అధ్యక్షులు జెస్సు అనిల్ కుమార్, బీజేవైఎం అధ్యక్షులు కలిగోట ప్రశాంత్ మాట్లాడుతూ నేటి యువత వివేకానందున్ని ఆదర్శంగా తీసుకొని ఉక్కు కండలు, వజ్రకఠోరమైన మనసును కలిగి జీవితానికి ఒక లక్ష్యాన్ని ఏర్పాటు చేసుకొవలని, ధైర్యాన్ని పునికిపుచ్చుకొని లక్ష్యం వైపు, గమ్యం వైపు పయనించాలే తప్ప వెనుకకు అడుగువేయ కూడదని. వివేకానందుని బోధనలు చదివిన నేటి యువత చెడు వ్యసనాలకు దూరంగా ఉండమే కాకుండా తమ జీవితానికి ఓ లక్ష్యాన్ని ఏర్పాటు చేసుకుంటారని నేటి యువత వివేకానందున్ని ఆదర్శంగా తీసుకొని, తన బోధనలు చదవాలని ఈ సందర్భంగా తెలియజేశారు. ఈ కార్యక్రమంలో కిసాన్ మోర్చ జిల్లా అధ్యక్షులు నూతుల శ్రీనివాస్ రెడ్డి, బిజెపి సీనియర్ నాయకులు ద్యాగ ఉదయ్, పల్లె శ్రీనివాస్, విజయానంద్, భూసం ప్రతాప్, సాయికుమార్, పెద్దోళ్ల భరత్, నవీన్ చారి తదితరులు పాల్గొన్నారు.