ఉత్తమ పోలీస్ స్టేషన్ గా..జైపూర్

రామగుండం 29 డిసంబర్

రామగుండం పోలీస్ కమిషనరేట్ పరిధిలో 2022లో ఉత్తమ స్టేషన్ గా జైపూర్ పోలీస్ స్టేషన్..

తెలంగాణ రాష్ట్ర డిజిపి ప్రత్యేకంగా రాష్ట్ర వ్యాప్తంగా అమలు చేస్తున్న 17 వర్టికల్స్ ఫంక్షనింగ్ సిస్టం, నేరాల నియంత్రణ, పరిశోధన, విచారణ, చట్టాల అమలు, 5S, డయల్ 100, సిబ్బంది విధుల నిర్వహణ, పరిశుభ్రత, లా అండ్ ఆర్డర్,పెట్రోలింగ్ లో ఉత్తమ ఫలితాలు సాధించినందుకు రామగుండం పోలీస్ కమిషనరేట్ లోఈ సంవత్సరంకు జైపూర్ పోలీస్ స్టేషన్ “ఉత్తమ పోలీస్ స్టేషన్” ఎంపిక చేయడం జరిగింది. ఉత్తమ స్టేషన్ గాఎంపికఅయ్యేలా కృషి సబ్ ఇన్స్పెక్టర్ రామకృష్ణను జైపూర్ ఏసిపి జి నరేందర్,శ్ర‌ీరంపూర్ సిఐ బి రాజు, పోలీసు ఉన్నతాధికారులు అభినందించారు.

గవర్నర్ వ్యవస్థను రద్దు చేయాలి..సీపీఐ

సిద్దిపేట 29 డిసంబర్

గవర్నర్ వ్యవస్థను రద్దు చేసేంత వరకు ఊరుకోం..

సీపీఐ ఆధ్వర్యంలో చేపట్టిన సిద్దిపేట కలెక్టరేట్ ముట్టడి ఉద్రిక్తత..

కలెక్టర్ లోకి చొచ్చుకుపోయే ప్రయత్నం చేసిన సీపీఐ నాయకులు..

సీపీఐ నాయకులను పోలీస్ స్టేషన్ తరలింపు..

బారత రాజ్యాంగ స్ఫూర్తికి వ్యతిరేకంగా, ప్రజాస్వామ్య వ్యవస్థను విధ్వంసం చేస్తూ, రాజ్యాంగేతర శక్తిగా మారిన గవర్నర్ వ్యవస్థను రద్దు చేసేంత వరకు ఉద్యమిస్తామని సీపీఐ జాతీయ కార్యవర్గ సభ్యులు చాడ వెంకటరెడ్డి అన్నారు..భారత కమ్యూనిస్టు పార్టీ సిద్దిపేట జిల్లా ఆధ్వర్యంలో గవర్నర్ వ్యవస్థను రద్దు చేయాలని గురువారం సిద్దిపేట కలెక్టరేట్ ముట్టడి నిర్వహించారు.. సీపీఐ నాయకులు కలెక్టరేట్ గేట్లు ఎక్కి లోపలికి చొచ్చుకెళ్లే ప్రయత్నం చేయగా పోలీసులకు,నాయకులకు మధ్య తోపులాట జరిగింది… చాడ వెంకటరెడ్డి,మంద పవన్ ను అరెస్ట్ చేసిన త్రీ టౌన్ పోలీసు స్టేషన్అధికారులు. ఈ సందర్భంగా చాడ వెంకటరెడ్డి మాట్లాడుతూ బీజేపీ యేతర రాష్ట్రాల్లో గవర్నర్ లు కేంద్ర ప్రభుత్వానికి తొత్తులుగా వ్యవహరిస్తూ, ఆయ ముఖ్యమంత్రులు పంపిన జివోలను, కక్ష సాధింపు చర్యలకు పాల్పడుతున్నారని , గవర్నర్ రాజ్యాంగ బద్దంగా పని చేయాలని, రాష్ట్రాల అభివృద్ధి లో ముఖ్యమంత్రులతో కలిసి పని చేయాలన్నారు..గవర్నర్ వ్యవస్థ ను కేంద్రం ఏజెంట్ గా మార్చుకుని, ప్రభుత్వ సంస్థలు అయిన ఈడి,ఐటీ, సీబీఐ ని తమ గుప్పిట్లో పెట్టుకుని బీజేపీ ఏతర నాయకులను టార్గెట్ చేస్తూ, ప్రజాస్వామ్య వ్యవస్థకు ఆటంకంగా మారిందని అన్నారు. గవర్నర్ వ్యవస్థ ను రద్దు చేసేంత వరకు సీపీఐ పార్టీ ఉద్యమిస్తుందని ఆయన హెచ్చరించారు..ఈ సమావేశంలో సీపీఐ జిల్లా కార్యదర్శి మందపవన్, కార్యవర్గ సభ్యులు గడిపే మల్లేష్,వేల్పుల బాలమల్లు,కిష్టపురం లక్ష్మణ్,కనుకుంట్ల శంకర్,యెడల వనేశ్,అందే అశోక్,జిల్లా కౌన్సిల్ సభ్యులు కొమ్ముల భాస్కర్,జేరిపోతుల జనార్ధన్,పార్టీ,ప్రజా సంఘాల నాయకులు బెక్కంటి సంపత్,వేల్పుల శ్రీనివాస్,సంగెం మధు,రామగళ్ల నరేష్,మిట్టపల్లి సుధాకర్,మాడిశెట్టి శ్రీధర్,కర్నాల చంద్రం,మల్లేశం,శ్రీనివాస్ తదితరులు పాల్గొన్నారు..

బస్టాండ్ తో దుబ్బాక కు కొత్త శోభ
-త్వరలో నూతన హంగులతో బస్టాండ్ పునప్రారంభం..
-పనులను పరిశీలించిన ఎమ్మెల్యే రఘునందన్ రావు

దుబ్బాక 28 డిసెంబర్

దుబ్బాక పట్టణం కొత్త అందాలను సంతరించుకొనుంది. ఇక్కడ బస్టాండు పునర్ నిర్మాణ పనులు చేపట్టి పూర్తికావస్తుండడంతో నూతన కళ సంతరించు కొనుంది. దశాబ్దాల క్రితం నిర్మించిన దుబ్బాక బస్టాండ్, దుబ్బాక ఎన్నికలు రఘునందన్ రావు గారు గెలిచిన తర్వాత వందలాది మంది ప్రయాణీకులకు అధునాతన సౌకర్యాలు కల్పనతో ప్రారంభానికి సిద్ధమవుతున్నది. ఈ మేరకు బస్టాండ్ నిర్మాణ పనులు తుది దశకు చేరుకున్న దరిమిలా బుదవారం సాయంత్రం బస్టాండ్ పనులను అధికారులతో కలిసి దుబ్బాక ఎమ్మెల్యే రఘునందన్ రావు క్షేత్ర స్థాయిలో పరిశీలించారు. ప్రయాణీకులకు సౌకర్యంగా ఉండే వీలుగా ముందు చూపుతో నిర్మాణం జరపాలని నిర్ణయించినట్లు, విజన్ కు అనుగుణంగా బస్టాండ్ నిర్మాణం వచ్చినట్లు ఎమ్మెల్యే రఘునందన్ రావు పేర్కొన్నారు. విశాలవంతమైన స్టాపులతో నిర్మితమవుతున్న పనులు క్షుణ్ణంగా పరిశీలించి, మిగులు పనులు వెంటనే త్వరితగతిన పూర్తి చేయాలని ఆర్టీసీ అధికారులను ఆదేశించారు.
బస్టాండుకు వచ్చే ప్యాసింజర్లు-ప్రయాణీకులకు మోడ్రన్ టాయిలెట్స్, క్యాంటీన్, దుకాణ సముదాయం, బస్టాండులో ప్లాట్ ఫామ్స్ డిజైన్లకు అనుగుణంగా పనులు ఆర్టీసీ అధికారులు వివరించారు.

మన బడి పథకాన్నిదిక్సూచిలా నిలపాలన్న…జిల్లా కలెక్టర్

సిద్దిపేట 28 డిసంబర్

సిద్దిపేట జిల్లా సమీకృత కార్యాలయ సముదాయంలో గజ్వేల్ నియోజకవర్గంలో మన ఊరు మన బడి పథకం కింద కేటాయుంచిన పాఠశాలల హెచ్ ఎం, ఎస్ఎంఎసి చైర్మన్లు, ఎంఈవో, ఎంపిడిఒ, ఎపిఓ, ఇంజినీరింగ్ విభాగం ఏఈ, డిఈ ల, నిర్మాణ ఏజెన్సీలతో పాలనాధికారి ప్రశాంత్ జీవన్ పాటిల్ సమీక్ష సమావేశం నిర్వహించారు. ఈ సమావేశంలో కలెక్టర్ మాట్లాడుతూ రాష్ట్ర ముఖ్యమంత్రి ప్రాతినిధ్యం వహిస్తున్న నియోజకవర్గంన్ని అన్ని రంగాలలో మున్డుంచమని, మన ఊరు మన బడి పథకంతో పాఠశాలల అభివృద్ధి చేసి రాష్టానికే ఆదర్శం గా నిలిచేలా పనిచేయ్యాలని అధికారులనకు కలెక్టర్ తెలిపారు. ఈ పథకంలో ఎలక్ట్రిసిటీ, తాగునీటి వసతి, మేజర్ మైనర్ రిపేర్లు వేగంగా పూర్తిచేసి కలర్స్ వేయాలని, ఎన్ఆర్ఈజిఎస్, ఈజీఎస్ కింద చేసే పనుల్లో మరుగుదొడ్లు, కిచెన్ షేడ్ పూర్తి చేశాకే మిగతా ప్రహరీ గోడ, అదనపు తరగతి గదులు పూర్తి చేయాలన్నారు. పాఠశాలలో అన్ని పనులు పూర్తీ చెసుకుని జనవరి మొదటి వారంలో ప్రారంభించడానికి సిద్దం చెయ్యాలని, కొండపాక మండలంలో పథకం అమలుకు పాఠశాలలను పర్యవేక్షణ చెయ్యాలని, ఈడబ్లుఐడిసి ఈఈ, డిఈ లకు తెలిపారు.