సెస్ ఎన్నికల బ్యాలెట్ బాక్స్ ల డిస్ట్రిబ్యూషన్ కు తగిన ఏర్పాట్లు..జిల్లా కలెక్టర్

వేములవాడ, 22 డిసెంబర్, 2022

ఈ నెల 24 న జిల్లా వ్యాప్తంగా జరగనున్న సెస్ ఎన్నికలకు సంబంధించి బ్యాలెట్ బాక్స్ ల డిస్ట్రిబ్యూషన్ కు తగిన ఏర్పాట్లు చేయాలని జిల్లా కలెక్టర్ అనురాగ్ జయంతి ఆదేశించారు. గురువారం ఆయన జిల్లా అదనపు కలెక్టర్ ఎన్.ఖీమ్యానాయక్ తో కలిసి వేములవాడ ప్రభుత్వ జూనియర్ కళాశాల అవరణలో బ్యాలెట్ బాక్స్ ల డిస్ట్రిబ్యూషన్ కు చేపడుతున్న ఏర్పాట్లను క్షేత్ర స్థాయిలో పరిశీలించారు. ఈ సందర్భంగా జిల్లా కలెక్టర్ మాట్లాడుతూ సెస్ ఎన్నికల నేపథ్యంలో జిల్లా వ్యాప్తంగా 252 పోలింగ్ కేంద్రాలను ఏర్పాటు చేయడం జరిగిందని తెలిపారు. శనివారం ఉదయం 8 గంటల నుండి సాయంత్రం 5 గంటల వరకు పోలింగ్ ఉంటుందని పేర్కొన్నారు. దీనికోసం వేములవాడ ప్రభుత్వ జూనియర్ కళాశాల ఆవరణలో బ్యాలెట్ బాక్స్ ల డిస్ట్రిబ్యూషన్ కేంద్రం ఏర్పాటు చేయడం జరుగుతుందని, శుక్రవారం ఉదయం 8 గంటల నుండి బ్యాలెట్ బాక్స్ ల డిస్ట్రిబ్యూషన్ మొదలవుతుందని తెలిపారు. మొదటగా ఎవరికి ఏ బూత్ కేటాయించారో తెలపడానికి సరిపడా సిబ్బంది అందుబాటులో ఉన్నారని, బూత్ స్థాయిలో మొత్తంగా 750 మంది సిబ్బందిని కేటాయించడం జరిగిందని, వీరితో పాటు ఇతర అధికారులు, పోలీస్ సిబ్బంది కూడా ఉంటారని అన్నారు. బ్యాలెట్ బాక్స్ ల డిస్ట్రిబ్యూషన్ కోసం 40 బస్సులను ఏర్పాటు చేయడం జరిగిందని తెలిపారు. 26 వ తేదీన ఎన్నికల కౌంటింగ్ ఇదే కళాశాలలో ఉంటుందని, ఉదయం 8 గంటల నుండి కౌంటింగ్ మొదలవుతుందని కలెక్టర్ పేర్కొన్నారు. నిఘా నేత్రాల పర్యవేక్షణలో కౌంటింగ్ ప్రక్రియ జరుగుతుందని అన్నారు. అంబులెన్స్, ఫైర్ ఇంజన్ లు ఈ కేంద్రంలో అందుబాటులో ఉండేలా చూడాలన్నారు. ఈ సందర్శనలో ఆర్డీఓ పవన్ కుమార్, జిల్లా సహకార శాఖ అధికారి బుద్ధనాయుడు, సెస్ ఎండీ రామకృష్ణ, తహశీల్దార్ రాజు, మున్సిపల్ కమీషనర్ అన్వేష్, తదితరులు ఉన్నారు.

మన ఊరు మన బడి పథకం ద్వారా అభివృద్ధి పాఠశాలల ప్రారంభం..జిల్లా కలెక్టర్

జిల్లా కార్యాలయంలో సమావేశ మందిరంలో గురువారం సిద్దిపేట నియోజకవర్గంలో మన ఊరు మన బడి పథకంలో కేటాయించిన పాఠశాలల ప్రధానోపాధ్యాయులు, ఎస్ఎమ్ సి చైర్మన్ లు, ఎంఈవో, ఎంపిడిఒ, ఎంపిఓ, ఇంజనీరింగ్ విభాగం ఈఈ, డిఈ, ఎఈ నిర్మాణ ఎజెన్సీ, సర్పంచ్ లు అందరితో పాలనాధికారి మండలాల్లో పాఠశాలల వారిగా సమీక్ష సమావేశం నిర్వహించారు. ఈ సమావేశం లో కలెక్టర్ జీవన్ పాటిల్ మాట్లాడుతూ….స్తానిక మంత్రి హరీష్ రావు జిల్లాలో మన ఊరు మన బడి పథకం ద్వారా అవసరమైన నిర్మాణాలు చేపట్టిన పాఠశాలను జనవరి మొదటి వారంలో ప్రారంభించడం జరుగుతుందని,మన ఊరు మన బడి పథకంలో ఎలక్ట్రిసిటీ, తాగునీటి వసతి, మేజర్ మైనర్ రిపేర్లుతో పాటు ఈజీఎస్ పనులు టాయిలెట్లు, కిచెన్ షెడ్, ప్రహరీ గోడ, డైనింగ్ హల్, అదనపు తరగతి గదులు ఇతర పనులు ఉన్నాయి. నంగునూరు మండలం లో ఈ పథక పనులను త్వరగా పూర్తి చేసెందుకు డీఆర్డీఏ పిడి, పంచాయతీ రాజ్ ఈఈ లు పర్యవేక్షణ చేసి వేగంగా పూర్తి చేసెందుకు తగు సూచనలు చేశారు. శిథిలావస్థలో ఉన్న పాఠశాలలను తొలగించి గ్రామ పంచాయతీ లో పల్లె ప్రగతి కార్యక్రమంలో చేయ్యాలని ఎంపిడిఒ, సర్పంచ్ లకు తెలిపారు. డైనింగ్ హల్ ఎస్టిమేట్ లో లోపాలు ఉంటె డిఇఓ వెరిపై చేయ్యాలన్నారు. పాఠశాలల్లో సేవింగ్స్ ఉంటే మైదానంలో సుందరీకరణ చేయ్యాలి మంచి గేట్, పైన ఆర్చ్ మైదానంలో కొంత గడ్డి కార్పెట్ పరచాలని, ఎంపిడిఒ, ఎంపిఓ లు ఈజీఎస్ పనులపై పర్యవేక్షణ చేయ్యాలి. పనులు పూర్తి అయ్యేవరకు సమావేశాలు నిర్వహిస్తూనే ఉంటాం అన్నారు. మళ్లీ సమావేశంలోపు పనుల్లో వేగం పెంచాలని అధికారులను ఆదేశించారు. ఈ కార్యక్రమంలో డీఆర్డీఏ పిడి గోపాల్ రావు, డిఇఓ శ్రీనివాస్ రెడ్డి, పంచాయతీ రాజ్ ఈఈ శ్రీనివాస్ తదితరులు పాల్గొన్నారు.

పలు అభివృద్ధి పనులకు ప్రారంభించి.. ఎమ్మెల్యే సతీష్ కుమార్

హుస్నాబాద్ నియోజకవర్గ పరిధిలోని కోహెడ మండలం పలు అభివృద్ధి పనులకు ప్రారంభించి చేసిన హుస్నాబాద్ శాసనసభ్యులు సతీష్ కుమార్ గురువారం తంగళ్ళపల్లి నూతన గ్రామపంచాయతీ భవనానికి భూమి పూజ చేశారు. శనిగరంలో మున్నూరు మున్నూరు కాపు సంఘానికి 20గుంటల భూమి కేటాయింపు పత్రాన్ని సంఘ సభ్యులకు అందజేసి, మిని ఫంక్షన్ హాలు నిర్మాణానికి ప్రభుత్వం తరఫున నిధులు మంజూరుకు కృషి చేస్తానని హామీ ఇచ్చారు. శనిగరంలోనీ మినీ రిజర్వాయర్లో 12లక్షల 12వేల రూపాయల విలువగల 4లక్షల 94 వేల రొయ్య పిల్లలను చెరువులోకి విడుదల‌ చేశారు. ఈ కార్యక్రమంలో బిఆర్ఎస్ పార్టీ రాష్ట్ర కార్యదర్శి కర్ర శ్రీహరి,ఎంపీపీ కొక్కుల కీర్తి సురేష్, జెడ్పిటిసి నాగరాజు శ్యామల మధుసూదన్ రావు, ఫ్యాక్స్ చైర్మన్ పేరియాల దేవేందర్ రావు, వైస్ ఎంపీపీ తడకల రాజిరెడ్డి తదితరులు పాల్గొన్నారు.

మీసేవ ఆపరేటర్ల సమస్యల పరిష్కారానికై కృషి.. మంత్రి హరీష్ రావు హామీ…

సిద్దిపేట జిల్లా మీసేవ ఆపరేటర్ల ఆధ్వర్యంలో బిఆర్ఎస్ పార్టీ కి మద్దతుగా హైదరాబాద్ లో గురువారం మంత్రి హరీష్ రావు నివాసంలో విరాళం అందించారు. ప్రభుత్వానికి ప్రజలకి వారధిగా పనిచేస్తున్నమీసేవ ఆపరేటర్లు ఎదుర్కొంటున్న సమస్యలపై మంత్రికి వివరించారు. కులాలు, ఆదాయం, మరియు మీ సేవ సంబంధించిన సర్వీసులు మీసేవ దరఖాస్తు చేసి సంబంధిత డాక్యుమెంటులు ఆఫీసులకు స్కాన్ చేసి పంపడం జరుగుతుందని, అధికారులు మళ్లీ ఫిజికల్ కాపీలు కావాలి అంటూ ఇబ్బందులకు గురి చేస్తున్నారని, మంత్రి హరీష్ రావు దృష్టికితీసుకెళ్లారు. దీనికి మంత్రి స్థానుకులంగా స్పందించి, సమస్యలు పరిష్కారానికై కృషి చేస్తానని మంత్రి ఇచ్చారు. అనంతరం బిఆర్ఎస్ పార్టీకి మద్దతుగా విరాళం మీసేవ ఆపరేటర్లు మంత్రి హరీష్ రావుకు ఇచ్చారు. కార్యక్రమంలో TMSA అధ్యక్షులు నాగరాజు, ఉపాధ్యక్షులు యూసఫ్, ఆడెపు మహేష్ తోట శ్రీకాంత్,వెంకట్, నవీన్ బాబు ఆంజనేయులు మంతపురి చంద్రం అశోక్ తదితరులు పాల్గొన్నారు.