దేవులపల్లి రమేశ్ కు సాహిత్య పురస్కారం

సిద్దిపేట యదార్థవాది ప్రతినిధి

తెలంగాణ భాష సాంస్కృతిక శాఖ సౌజన్యంతో కణిక సాహిత్య సామాజిక సేవ విద్యారంగ వేదిక  హైదరాబాద్ వారి ఆధ్వర్యంలో సాహిత్య సేవలు అందిస్తున్నందుకు సిద్దిపేట జిల్లా నంగునూరు మండలం చెందిన  కవి దేవులపల్లి రమేశ్ కు కణిక కుటుంబ ఆత్మీయ కలయిక చెత్త బండి పుస్తక ఆవిష్కరణ సభలో సాహిత్య పురస్కారం లభించింది. కణిక అధ్యక్షురాలు రమదేవి కులకర్ణి మేడ్చల్ జిల్లా అదనపు కలెక్టర్  ఏనుగు నరసింహారెడ్డి డా. నాగేశ్వర శంకరం నేటి నిజం పత్రిక సంపాదకులు  బైసా దేవదాస్ ఐనం పూడి శ్రీ లక్ష్మి సేనధీపతి జయలక్ష్మి రవీంద్ర భారతి హైదరాబాదులో కవి దేవులపల్లి రమేశ్ ను సన్మానం చేసి అభినందించారు. దేవులపల్లి రమేశ్ మాట్లాడుతూ నా సేవను గుర్తించి  నాకు సాహిత్య పురస్కారం లభించినందుకు చాలా ఆనందంగా ఉందని సాహిత్య పురస్కారం లభించినందుకు  కుటుంబ సభ్యులు కవులు అభినందించారు. ఈ కార్యక్రమంలో తెలంగాణ రాష్ట్రం కాక ఇతర రాష్ట్రాలను వచ్చినటువంటి కవులు కళాకారులుతదితరులు పాల్గొన్నారు.

నాయి బ్రాహ్మణులకు అండగా ఉంటా

-నాయి బ్రాహ్మణ కులస్తులకు పెద్దపీట వేసిన కేసీఆర్

-సంగారెడ్డి ఎమ్మెల్యే చింతా ప్రభాకర్

సంగారెడ్డి యదార్థవాది ప్రతినిధి

నాయి బ్రాహ్మణులకు అండగా ఉంటానని తెలంగాణ రాష్ట్రంలో నాయి బ్రాహ్మణ కులస్తులకు మాజీ సీఎం కేసీఆర్ ప్రభుత్వం అన్ని రకాలుగా ఆదుకుని వారికి ఆర్థికంగా ఎదగడానికి కృషి చేసిందని బీఆర్ఎస్ సంగారెడ్డి ఎమ్మెల్యే చింతా ప్రభాకర్ అన్నారు. సోమవారం సదాశివపేట పట్టణంలోని చింతా ప్రభాకర్ క్యాంప్ కార్యాలయంలో సంగారెడ్డి ఎమ్మెల్యేగా ప్రమాణ స్వీకారం చేసిన సందర్భంగా చింతా ప్రభాకర్ కు నాయి బ్రాహ్మణ సేవా సంఘం ఆధ్వర్యంలో ఘనంగా సన్మానించారు. ఈ సందర్భంగా ఎమ్మెల్యే చింతా మాట్లాడుతూ నాయి బ్రాహ్మణ సంఘస్తులు అన్ని విధాలుగా అండగా నిలిచి ప్రజలకు ఎంతో సేవ చేస్తున్నారనీ, దైవభక్తితో పాటు, సేవా గుణం ఉన్న గొప్ప వ్యక్తిత్వం గల వారు నాయి బ్రాహ్మణులు అని కొనియాడారు. వారి అభివృద్ధి కొరకు గత ప్రభుత్వం ఎంతో కృషి చేసిందని, ఏ పార్టీలు కూడా నాయి బ్రాహ్మణులకు ప్రాధాన్యత కల్పించలేదని బీఆర్ఎస్ పార్టీ మాత్రం నాయి బ్రాహ్మణులకు ప్రాధాన్యత కల్పిస్తూ 250 యూనిట్లు కరెంటు ఉచితంగా ఇస్తామని ఎన్నికల్లో చెప్పడం జరిగిందినీ చెప్పిన మాట ప్రకారం ప్రతి నాయి బ్రాహ్మణ షాపులో ప్రతి ఒక్కరికి 250 యూనిట్ల ఉచిత కరెంటును అందించామని అన్నారు. అసెంబ్లీ ఎన్నికల్లో కారు గుర్తుకు ఓటు వేసి తనను భారీ మెజారిటీతో గెలిపించారని ఆయన ఈ సందర్భంగా గుర్తుచేశారు. ఈ కార్యక్రమంలో సంగారెడ్డి నాయి బ్రాహ్మణ సేవా సంఘం అధ్యక్షులు లకుడారం మాణిక్ ప్రభు మామిళ్ళ నాగభూషణం దత్తాత్రేయ శేఖర్ వీరభద్ర అంజయ్య సత్యం చేర్యాల ఆంజనేయులు వీరన్న గోపాల్ నాయి బ్రాహ్మణ యువజన సంఘం అధ్యక్షులు చరణ్ శ్రీశైలం రాము రాజు సాయి ప్రసాద్ తదితరులు పాల్గొన్నారు.

బీఅర్ఎస్ అవినీతి పాలన అంతమైంది.

కాంగ్రెస్ తోనే తెలంగాణాలో సుపరిపాలన.

అక్బర్ పేట భూంపల్లి యదార్థవాది 

తెలంగాణలో కెసిఆర్ అవినీతి కుటుంబ పాలన అంతమైందని ప్రజలు కోరుకున్న ఇందిరమ్మ రాజ్యం ఏర్పడిందని యూత్ కాంగ్రెస్ రాష్ట్ర నాయకులు ఎల్లన్న గారి వంశీధర్ రెడ్డి అన్నారు. రాష్ట్రంలో కాంగ్రెస్ పార్టీ అధికారంలోకి రావాలని ముఖ్యమంత్రిగా రేవంత్ రెడ్డి కావాలని మొక్కుకు చెల్లించుకున్నారు ఆదివారం తన స్వగ్రామమైన భూంపల్లి ఎల్లమ్మ ఆలయంలో  100 కొబ్బరికాయలు కొట్టి పూజలు నిర్వహించారు ఈ సందర్భంగా ఆయన మాట్లాడుతూ బీఆర్ఎస్ గడీల దొరల పాలనకు బిన్నంగా ముఖ్యమంత్రి రేవంత్ రెడ్డి రాష్ట్ర ప్రజలకు సుపరిపాలన అందిస్తాడన్నారు. కాంగ్రెస్ పార్టీ ఆరు గ్యారెంటీ పథకాలతో పేదల జీవితాల్లో వెలుగులు నింపుతాయన్నారు. ఇచ్చిన మాట ప్రకారం మహాలక్ష్మి పథకంలో భాగంగా రాష్ట్రంలోని మహిళా సోదరీమణులందరికీ ఉచిత బస్సు ప్రయాణం వయోభేదం లేకుండా పది లక్షల రూపాయల బీమా పథకాన్ని సోనియమ్మ జన్మదిన సందర్భంగా అమల్లోకి తీసుకురావడంతో ఇచ్చిన మాటకు కట్టుబడే పార్టీ కాంగ్రెస్ పార్టీ అని ప్రజల్లో విశ్వాసం వచ్చిందన్నారు. దశాబ్దాల పాటు ప్రజల కోసం పనిచేసిన ఘనత కాంగ్రెస్ పార్టీకి ఉందన్నారు. దుబ్బాక నియోజకవర్గం లో కాంగ్రెస్ పార్టీ బలోపేతానికి కృషి చేస్తానని త్వరలో నియోజకవర్గ వ్యాప్తంగా యూత్ కాంగ్రెస్ సమావేశాలు ఏర్పాటు చేస్తానని ప్రకటించారు.

ప్రజాధనాన్ని ఫలహారం గా పంచి పెట్టద్దు 

* రేవంత్ ప్రభుత్వానికి కేబినెట్ మంత్రులకు శుభాకాంక్షలు.

* అభివృద్ధికి సంక్షేమానికి మధ్య ప్రభుత్వం సమతూకం పాటిస్తుందని ఆశాభావం

* రాష్ట్ర అధ్యక్షులు లోక్ సత్తా పార్టీ.

హైదరాబాద్ యదార్థవాది ప్రతినిధి 

ప్రజలు నిరంతరం కష్టపడుతూ చెమటోడ్చి చెల్లించిన పన్నుల ద్వారా సమకూరిన ప్రజా ధనాన్ని గత ప్రభుత్వం మాదిరిగా దుబారా చేయకుండా అనుయాయులకు ఫలహారంగా పంచి పెట్టకుండా అర్హులైన నిరుపేదలకు దక్కేలా సంక్షేమ పథకాలను రూపొందించాలని లోక్ సత్తా పార్టీ రాష్ట్ర అధ్యక్షులు తుమ్మనపల్లి శ్రీనివాసు విజ్ఞప్తి చేశారు. ఆదివారం రాష్ట్ర ప్రధాన కార్యాలయంలో జరిగిన సమావేశానికి అధ్యక్షత వహించారు. ఈ సందర్భంగా ఆయన మాట్లాడుతూ పై విధంగా అన్నారు. రేవంత్ రెడ్డి ముఖ్యమంత్రిగా ఏర్పడిన కాంగ్రెస్ ప్రభుత్వానికి కాబినెట్ మంత్రులకు శుభాకాంక్షలు తెలియ జేశారు. రాష్ట్రంలో జరగవలసిన అసలైన అభివృద్ధికి ప్రజల సంక్షేమానికి మధ్య సమతూకం పాటించి ఉత్తమ ఫలితాలు కొత్తగా ఏర్పడిన రేవంత్ రెడ్డి సారథ్యంలోని  ప్రభుత్వం సాధిస్తుందని ఆయన ఆశాభావం వ్యక్తం చేశారు. లోక్ సత్తా పార్టీ  ప్రజా సమస్యలను  ప్రభుత్వ దృష్టికి తీసుకు వస్తుందని శాశ్వత ప్రాతిపదికన పరిష్కారానికి కృషి చేస్తుందని ప్రజా ఉద్యమాలను నిర్మిస్తుందని తుమ్మనపల్లి స్పష్టం చేశారు.

రాష్ట్ర ప్రధాన కార్యదర్శి శ్రీనివాస వర్మ మాట్లాడుతూ త్వరలో ముఖ్యమంత్రిని స్వయంగా కలిసి  నివేదిస్తామని ఆయన అన్నారు.

రాష్ట్ర ఉపాధ్యక్షులు నందిపేట రవీందర్ మాట్లాడుతూ పార్టీ నిర్మాణాన్ని బలోపేతం చేసి ప్రజా ఉద్యమాలను చేపడతామని ఆయన అన్నారు. ఇంకా ఈ సమావేశంలో కార్యదర్శి మల్లాది కిషోర్ వంగాల రంగాచారి రోహిత్ శివ రామ కృష్ణ కారుమంచి గణేష్ సత్యనారాయణ ఫణీంద్ర సూర్య  తదితరులు పాల్గొన్నారు.

ఘనంగా సోనియా గాంధీ జన్మదిన వేడుకలు.

సంగారెడ్డి యదార్థవాది ప్రతినిథి

సంగారెడ్డి డీసీసీ నిర్మల జగ్గారెడ్డి  ఆధ్వర్యంలో ఘనంగా శ్రీమతి సోనియా గాంధీ జన్మదిన వేడుకలలో కేక్ కట్ చేసి  సోనియా గాంధీ చిత్రపటానికి పాలాభిషేకం చేశారు. ఈ సందర్భంగా వారు మాట్లాడుతూ కాంగ్రెస్ పార్టీ ఇచ్చిన 6 గ్యారెంటీలలో శనివారం సోనియాగాంధీ రెండు గ్యారెంటీ అమలు చేస్తున్నామని  మధ్యానము 2 గంటలనుండి మహిళలకు తెలంగాణ రాష్ట్ర రోడ్డు రవాణా సంస్థలో ఉచిత బస్సు ప్రయాణాన్ని సీఎం రేవంత్ రెడ్డి ప్రారంభిస్తారని తెలిపారు. కార్యక్రమంలో జిల్లా కాంగ్రెస్ నాయకులు కార్యకర్తలు తదితరులు పాల్గొన్నారు.

ప్రజాభవన్ లో ప్రజా దర్బార్.

హైదరాబాద్ యదార్థవాది ప్రతినిధి 

తెలంగాణ రాష్ట్రంలో ముందుగా అనుకున్నట్లే గడీల పాలన అంతం అయిందని చెప్పుకోవచ్చు..

ప్రతి శుక్రవారం ప్రచార దర్బార్ నిర్వహిస్తున్నట్లు ముఖ్యమంత్రి రేవంత్ రెడ్డి ఇదివరకే ఆహ్వానించారు..

అందుకు అనుగుణంగా నేడు జ్యోతిరావు పూలే ప్రజాభవన్ కు తమ సమస్యలను విన్నవించుకునేందుకు ప్రజా భవన్ కు భారీగా తరలివచ్చిన ప్రజలు..