కేసీఆర్ తీవ్ర గాయం.. ఆసుపత్రిలో చేరిక

హైదరాబాద్ యదార్థవాది ప్రతినిది

మాజీ ముఖ్యమంత్రి కేసీఆర్ యశోద ఆసుపత్రిలో చేరారు. ఆయన ఇంట్లో కాలు జారి పడటంతో గాయమైనట్లు సమాచారం. 

కేసీఆర్ తుంటి ఎముక విరిగినట్లు తెలుస్తోంది. ప్రస్తుతం ఆయన సోమాజిగూడ యశోద ఆసుపత్రిలో చికిత్స పొందుతున్నారు.

మంత్రిగా పొన్నం ప్రభాకర్.

•హుస్నాబాద్ పట్టణంలో సంబరాలు..

హుస్నాబాద్ యదార్థవాది ప్రతినిది

సిద్దిపేట జిల్లాలోని కాంగ్రెస్ ఎమ్మెల్యే పొన్నం ప్రభాకర్ కు మంత్రి పదవి రావడంతో కాంగ్రెస్ శ్రేణుల్లో నూతన ఉత్సాహం నింపింది. హుస్నాబాద్ నియోజకవర్గం నుండి కాంగ్రెస్ పార్టీ ఎమ్మెల్యేగా ఎన్నికైన పొన్నం గురువారం మంత్రిగా ప్రమాణస్వీకారం చేయడంతో హుస్నాబాద్ పట్టణం లో కాంగ్రెస్ పార్టీ నాయకులు కార్యకర్తలు సంబరాలు జరుపుకున్నారు. ఈ సంబరాలలో కాంగ్రెస్ పార్టీ మండల అధ్యక్షులు బంక చందు హుస్నాబాద్ మున్సిపల్ ఫ్లోర్ లీడర్ చిత్తారి పద్మ పోతుగంటి బాలయ్య వెన్న రాజు కొత్తకొండ పోశెట్టి బోనగిరి రజిత పచ్చిమట్ల రాధా గాజుల చంద్రయ్య కాశ వేణి సాంబరాజు సంఘ కుమార్ సంఘ శ్రీధర్ హనుమాన్ల శ్రీకాంత్ రెడ్డి పెండ్రాల దాము జవహర్లాల్ బెజ్జంకి బాబు కమలహాసన్ గడిపే రమాదేవి కమలమ్మ కాంగ్రెస్ పార్టీ నాయకులు కార్యకర్తలు అభిమానులు తదితరులు పాల్గొన్నారు.

చింతా ప్రభాకర్ కు ఘన సన్మానం.

సంగారెడ్డి యదార్థవాది ప్రతినిది

• సంగారెడ్డి జిల్లా సదాశివపేటలో
  మంగళవారం చింతా ప్రభాకర్ క్యాంపు కార్యాలయంలో ఎమ్మెల్యే గా గెలుపొందిన చింత ప్రభాకర్ కు సదాశిపేట మండల చందాపూర్ గ్రామవాసులు బీఆర్ఎస్ కార్యకర్తలు శాలువా వేసి పూలమాలతో సన్మానించడం జరిగింది. ఈ కార్యక్రమంలో బీఆర్ఎస్ గ్రామ శాఖ అధ్యక్షుడు మానయ్య మాజీ సర్పంచ్ చంద్రన్న మాజీ ఎంపిటిసి లు సంజీవులు మానయ్య వార్డు మెంబర్ బాబు బీఆర్ ఎస్ నాయకులు ఇలియాజ్ నారాయణ అజయ్ రవి భరత్ తదితరులు పాల్గొన్నారు.

అభివృద్దా…పార్టీయా…

మాజీ మంత్రి హరీష్ రావు మదిలో ఏముందో.?

రాష్ట్రంలో అనూహ్య  ఫలితాల నేపథ్యంలో సిద్దిపేట ప్రజల సమాలోచనలు

సిద్దిపేట యదార్థవాది ప్రతినిది 

అధికారంలో ఉన్నందున ఇంతకుముందు ఎమ్మెల్యే హరీష్ రావు నేతృత్వంలో సిద్దిపేట శరవేగంగా  అభివృద్ధి చెందింది. ఈ విషయాన్ని ఏ చిన్న బాలుడిని అడిగిన ఇదే విషయం చెబుతారు. రాష్ట్రంలోనే ఏ ఏ నియోజకవర్గము కూడా అభివృద్ధి చెందనంతగా సిద్దిపేట ఎంతగానో అభివృద్ధి చెందింది. ఇది ఒకరకంగా రికార్డు స్థాయిలోనేనని భావించవచ్చు. అంతటి స్థాయిలో సిద్దిపేట అభివృద్ధి చెందడాన్ని ప్రత్యక్షంగా చూసిన ప్రజలు ఇప్పుడు కూడా ఆ స్థాయిలో అభివృద్ధి నీ  సహజంగా కోరుకుంటారు.  అయితే ఆ స్థాయిలో అభివృద్ధి  చెందుతుందా అనే విషయంలో మీమాంసలో పడ్డారు. రాష్ట్రంలో రాజకీయాలు అనున్యయంగా మారిపోయాయి.. నిన్న మొన్నటి వరకు రాష్ట్రంలో టిఆర్ఎస్ ప్రభుత్వం హవా కొనసాగుతుండగా జరిగిన ఎన్నికల నేపథ్యంలో ప్రభుత్వానికి ఊహించని చుక్క ఎదురైంది టిఆర్ఎస్ పార్టీ కాస్త కుప్పకూలి కాంగ్రెస్ చేతికి అధికారాలు అప్పగించింది. ఈ నేపథ్యంలో రాష్ట్రంలో చోటు చేసుకున్న అనూహ్య రాజకీయ ఫలితాలు నేపథ్యంలో మంత్రిగా ఉన్న హరీష్ రావు తన మంత్రి పదవిని కోల్పోవాల్సి వచ్చింది. ప్రభుత్వం మారడం అలాగే హరీష్ రావు ఎమ్మెల్యే గానే ఉండాల్సి వస్తున్న నేపథ్యంలో అభివృద్ధి ఏ మేరకు ఉంటుందోనని ప్రజలు సంక్షేమలో పడ్డారు. ఈ నేపథ్యంలో సిద్దిపేట అభివృద్ధిని కాంక్షించి హరీష్ రావు ఒకవేళ అధికార కాంగ్రెస్ పార్టీలోకి మారుతి బాగుండని ఇక్కడ ప్రజలు అనుకుంటున్నారు. కానీ మొదటి నుండి తాను టిఆర్ఎస్ లోనే కొనసాగుతానని పలుమార్లు ప్రకటించిన విషయం తెలిసిందే. అయితే హరీష్ రావు పార్టీ మారుతారా లేదా అన్న విషయం పక్కన పెడితే సిద్దిపేట అభివృద్ధి మాత్రం ఇంతకుముందు జరిగినట్లుగా జరిగే అవకాశాలు తక్కువనే ఉండొచ్చు ఒకవేళ హరీష్ రావు అధికార కాంగ్రెస్ పార్టీలోకి దూకితే మాత్రం సిద్దిపేట అభివృద్ధికి ఎలాంటి డొక్కా ఉండదు అని పలువురు చర్చించుకుంటున్నారు. కాగా హైదరాబాదు టిఆర్ఎస్ భవన్ లో సోమవారం టిఆర్ఎస్ పార్టీ  వర్కింగ్ ప్రెసిడెంట్ కేటీఆర్ నేతృత్వంలో టిఆర్ఎస్ నుండి గెలుపొందిన ఎమ్మెల్యేలతో నిర్వహించిన సమావేశంలో హరీష్ రావు కనిపించకపోవడంతో సిద్దిపేట నియోజకవర్గ ప్రజలు పలు రకాలుగా ఊహాగానాలు చేస్తున్నారు. హరీష్ రావు సిద్దిపేట అభివృద్ధి కోసం పాటుపడతారా అని కూడా ఆలోచిస్తున్నారు. ఏదేమైనా హరీష్ రావు మునుపటిలా సిద్దిపేట అభివృద్ధి జరిగేలా సరేన నిర్ణయం తీసుకోవాలని ఆశిస్తున్నారు..

ఆశ నిరాశ అయిన వేళ మళ్లీ సొంతగూటికి చేరేనా?

ఆశల సౌధం కకావికలం అవగా క్షణిక పాటు నిర్ణయం అంధకారానికి చిక్కేనా?

హుస్నాబాద్ యదార్థవాది ప్రతినిది 

అనుకున్నదొకటి అయినది ఒకటి అన్న చందంగా మారి ఎందుకు వచ్చానా అనుకునే పరిస్థితి బొమ్మ శ్రీరామ్ చక్రవర్తిది తండ్రి కాలం నుండి పదవి కోసం ఎన్న మార్లు పోటీ చేసి విసిగి వేసారి చివరి ప్రయత్నం గా పోటీ చేసి గెలుపొంది పలు అభివృద్ధి కార్యక్రమాలు చేసి చూపించి శభాష్ అనిపించుకున్న మాజీ ఎమ్మెల్యే బొమ్మ వెంకటేశ్వర్ ఎంతో మంది అభిమాన గణాన్ని పెంపొందించుకొని పార్టీ కార్యకర్తలకు నాయకులకు అండగా ఉంటూ అప్పటి ఇందుర్తి నియోజకవర్గ ప్రజలలో చిరస్థాయిగా నిలిచిన బొమ్మ వెంకటేశ్వర్లు, బొమ్మ శ్రీరామ్ చక్రవర్తి అదే దారిలో పయనించి కాంగ్రెస్ పార్టీని వెన్నుదన్నుగా నిలుపుకొని అంకితభావంతో పార్టీ కార్యక్రమాలను నిర్వహిస్తూ కార్యకర్తలు నాయకులు తో సహకరిస్తూ మార్క్ఫెడ్ చైర్మన్ గా పదవిని చేజెక్కించుకొని పదవికి న్యాయం చేసిన ఘనత ఆయనది అలాంటి బొమ్మ శ్రీరామ్ చక్రవర్తి బంధువుల ,స్నేహితుల సలహాలేనో లేక కార్యకర్తల ప్రోత్బలమేనో ఎమ్మెల్యే పదవిని ఆశించి భారతీయ జనతా పార్టీ లోనికి మకాం మార్చిన సంగతి తెలిసిందే.ఎన్నో ఒడిదుడుకులకు ఓర్చుకొని అతి కష్టం మీద భారతీయ జనతా పార్టీ హుస్నాబాద్ నియోజకవర్గ ఎమ్మెల్యేగా పోటీ చేసే అవకాశం దక్కించుకున్న నిరాశనే మిగిల్చుకున్నారు మరిప్పుడు అధిష్టానం మేరకు పార్టీ కి కట్టుబడి ఉండడమా లేక సొంతగూటికి వెళ్లే అవకాశాలు ఉన్నాయా అంటూ కార్యకర్తల్లో గుసగుసలు వినిపించడం ప్రత్యేకతను సంతరించుకున్నది ఏది ఏమైనా వేచి చూడాల్సిందే..

ప్రజా తీర్పును శిరసావహిస్తాం

అధైర్య పడొద్దు… ప్రజల కు అండగా నిలుద్దాం

మెదక్ యదార్థవాది ప్రతినిది

ఎన్నికల్లో గెలుపు ఓటమిలు సహజమని , ప్రజా తీర్పును శిరసా వహిస్తామని బిఆర్ఎస్  జిల్లా అధ్యక్షురాలు మాజీ ఎమ్మెల్యే పద్మ దేవేందర్ రెడ్డి అన్నారు. సోమవారం జిల్లా బిఆర్ఎస్  పార్టీ కార్యాలయంలో కార్యకర్తలు నాయకులతో మాట్లాడారు 25 ఏళ్లుగా  ఉద్యమంలో రాజకీయంగా ఎన్నో ఆటుపోట్లు ఎదుర్కొన్నామని అధైర్య పడకుండా  ముందుకు సాగినట్లు తెలిపారు. నియోజకవర్గ ప్రజలు  ఆడబిడ్డగా  ఆదరించి సహకరించారని అన్నారు. ప్రజలకు ఎల్లప్పుడూ  చేదోడు వాదోడుగా నిలుస్తూ  కష్టసుఖాల్లో పాల్పంచుకుంటానని ఓటమిని గెలుపుగా భావిస్తూ  ముందుకు వెలుదామనీ కార్యకర్తలు నాయకులు సూచించారు బిఆర్ ఎస్ శ్రేణులు  అధైర్య పడకుండా ప్రజలకు అండగా నిలవాలి అన్నారు. ఎన్నికల్లో శ్రమించిన కార్యకర్తలు నాయకులకు అందరికీ ధన్యవాదాలు తెలిపారు. కార్యక్రమంలో జడ్పీ వైస్ చైర్ పర్సన్ లావణ్య రెడ్డి మెదక్ మున్సిపల్ చైర్మన్ చంద్రపాల్ వైస్ చైర్మన్ మల్లికార్జున్ గౌడ్ బి ఆర్ ఎస్ పట్టణ అధ్యక్షులు గంగాధర్ మాజీ ఎమ్మెల్యే శశిధర్ రెడ్డి కౌన్సిలర్లు సర్పంచులు ఎంపీటీసీ సభ్యులు తదితరులు పాల్గొన్నారు.

కారు బోల్తా.2 క్వింటాళ్ల గంజాయి.

సంగారెడ్డి యదార్థవాది ప్రతినిది

సంగారెడ్డి జిల్లా జహీరాబాద్‌ మండలం బూచినెల్లి సమీపంలో కారు ప్రమావశాత్తు బోల్తా పడింది. విషయం తెలుసుకున్న పోలీసులు ఘటనాస్థలిని పరిశీలించినలో కారులో 2 క్వింటాళ్ల గంజాయి పొట్లాలను చూసి అవాక్కయ్యారు.

భద్రాచలం ఏజెన్సీ ప్రాంతాల నుంచి ముంబయికి గంజాయి తరలిస్తుండగా ఈ ప్రమాదం జరిగి ఉంటుందని పోలీసులు భావిస్తున్నారు. ప్రమాదంలో గాయపడిన స్మగ్లర్లు కారును గంజాయిని అక్కడే వదిలేసి పరారైనట్లు తెలిసింది. గంజాయిని కారును స్వాధీనం చేసుకొని చిరాగ్‌పల్లి ఠాణాకు తరలించి ఘటనపై కేసు నమోదు చేసి దర్యాప్తు చేపట్టినట్లు పోలీసులు తెలిపారు.

సంగారెడ్డి లో ఓటు హక్కు వినియోగించుకున్న: చింత ప్రభాకర్

సంగారెడ్డి యదార్థవాది ప్రతినిది 

అందరితో పాటు క్యూలో నిలబడి ఓటు వేసిన సంగరెడ్డి నియోజకవర్గ బీఆర్ఎస్ పార్టీ ఎమ్మెల్యే అభ్యర్థి చింత ప్రభాకర్. సదాశివపేటలోని రవీంద్ర మోడల్ ప్రాథమిక పాఠశాలలో 187 పొలింగ్ బూత్ లో కుటుంబ సమేతంగా ఓటు హక్కు వినియోగించుకున్నరు. ఈ సందర్భంగా ఆయన మాట్లాడుతూ ఓటు రాజ్యాంగం కల్పించిన పవిత్రమైన మన హక్కు, ఓటు అనేది ఎలాంటి ప్రలోభాలకు లొంగకుండా నీతివంతమైన పాలను ఎన్నుకోవడానికి ఉపయోగ పడుతుందని ప్రతి ఒక్కరూ తప్పకుండా ఓటు హక్కు వినియోగించుకోవాలి. ఓటు హక్కు మనందరి హక్కు సద్వినియోగం చేసుకుందాంఅని అన్నారు.