మహిళా దినోత్సవం సందర్భంగా షీ టీమ్స్ ఆధ్వర్యంలో 5కే రన్

యదార్థవాది ప్రతినిధి సిద్ధిపేట

అంతర్జాతీయ మహిళా దినోత్సవం సందర్భంగా జిల్లా కేంద్రమైన సిద్ధిపేట ప్రభుత్వ డిగ్రీ కళాశాల మైదానంలో బుధవారం షీ టీమ్స్ ఆధ్వర్యంలో 5కే రన్ కార్యక్రమాన్ని సిద్ధిపేట పోలీసు కమిషనర్ శ్వేత ఆధ్వర్యంలో నిర్వహించారు. ఈ కార్యక్రమానికి ముఖ్య అతిథిగా హాజరైన రాష్ట్ర మంత్రి హరీశ్ రావు, జిల్లా మేజిస్ట్రేట్ రఘురామ్, జెడ్పీ చైర్మన్ రోజాశర్మతో కలిసి 5కే రన్ ప్రారంభించారు. ఈ సందర్భంగా ఆయన మాట్లాడుతూ.. 5కే రన్ కోసం వచ్చిన వారందరిలో ఉత్సాహం చూస్తే చాలా సంతోషంగా ఉందని తెలంగాణ రాష్ట్రం ఏర్పడిన తర్వాత షీ టీమ్స్ ద్వారా మహిళలకు పెద్దపీట వేయడం జరిగిందని మహిళల అభ్యున్నతి కోసం మనమందరం కలిసి కట్టుగా కృషి చూద్దామని మహిళలు ఆత్మ విశ్వాసంతో ముందుకు కదలాలని మంత్రి ఆకాంక్షించారు. ఈ మేరకు అంతర్జాతీయ మహిళ దినోత్సవం సందర్భంగా సిద్ధిపేటలో జరిగిన 5కే రన్ లో గెలుపొందిన వారికి బహుమతులు అందుకున్న వారు స్త్రీల విభాగంలో బీ.ఇందు-తృతీయ-5వేలు, బీ.హారిక-ద్వితీయ-7500, కావ్య ప్రథమ రూ.10వేలు బహుమతి పొందారు. పురుషుల విభాగంలో సి.హెచ్.ఎల్లం తృతీయ-5వేలు, జి.అభిషేక్-ద్వితీయ-7500, కే.అఖిల్ ప్రథమ రూ.10వేలు బహుమతి మంత్రి చేతుల మీదుగా అందుకున్నారు. ఈ కార్యక్రమంలో మంత్రి వెంట మున్సిపల్ చైర్మన్ మంజుల, మార్కెట్ కమిటీ చైర్మన్ విజిత, రాష్ట్ర నర్సింగ్ కౌన్సిల్ సభ్యుడు పాల సాయిరాం, జిల్లా బీఆర్ఎస్ నాయకులు ప్రతినిధులు కార్యకర్తలు పాల్గొన్నారు.

బాల సాహిత్యం సేవకు గుర్తింపు

యదార్థవాది ప్రతినిధి సిరిసిల్ల

అంతర్జాతీయ మ‌హిళా దినోత్సవాన్ని పురస్కరించుకొని పలు రంగాల్లో విశిష్ట సేవలందిస్తున్న మహిళలకు తెలంగాణ‌ ప్రభుత్వం అవార్డులు ప్రకటించింది.. పలు రంగాలకు చెందిన మొత్తం 27 మందిని ఈ స్పెషల్ అవార్డులకు ఎంపిక చేస్తూ రాష్ట్ర ప్రభుత్వ ప్రత్యేక కార్యదర్శి భార‌తి హోళీకేరి ఉత్తర్వులు జారీచేశారు. 2023 సంవత్సరానికి మొత్తం 27 మంది మహిళలను అవార్డుతో పాటు ఒక్కొక్కరికి 1 లక్ష రూపాయల నగదు పురస్కారాన్ని ప్రభుత్వం అందజేయనుంది. రాజన్న సిరిసిల్ల జిల్లాకు చెందిన ప్రముఖ రచయిత్రి డాక్టర్ కందేపి రాణి ప్రసాద్ రాష్ట్ర ప్రభుత్వ అవార్డ్ కు ఎంపికైంది. బాల సాహితి మహిళా శిశు అభ్యుదయం ప్రమాదకర జబ్బుల అవగాహన కల్పించేందుకై రచనలు కథలు కవితలు వ్యాసాలు పజిల్స్ సైన్స్ వ్యాసంగం మొదలైన రచనల ద్వారా ప్రయత్నించారు. పిల్లల విద్య పాఠశాల సమస్యలపై వ్రాసిన వ్యాసాలు వివిధ దినపత్రికల్లో ప్రచురించబడ్డాయి.

ఆగని వీధి కుక్కల దాడులు పట్టించుకోని అధికారులు

యదార్థవాది ప్రతినిధి హుస్నాబాద్ 

తెలంగాణ రాష్ట్రం పలు ప్రాంతాలలో వీధి కుక్కలు స్వైర విహరం చేస్తున్నాయి ఇంటిలో నుండి బయటకు రావడానికి పెద్ద మనుషులు భయపడుతున్నారు చిన్నారులైతే వీధి కుక్కల దాడిలో ప్రాణాలు సైతం కోల్పోతూ కన్న తల్లిదండ్రులకు సోకని మిగులుస్తున్నారు ఇలాంటి దాడులు రోజుకు ఒకటి పునరావతం అవుతూనే ఉన్నాయి ప్రభుత్వ అధికారులు తమకేమీ పట్టనట్టుగా నిమ్మకు నీరు ఎత్తినట్లు వ్యవహరిస్తున్నారు హైదరాబాద్ లో వీధి కుక్కల దాడిలో ఓ పసి బాలుడు మరణించిన ఘటన మరువకముందే, అలాంటి తరహాలోనే మరోచోట ఓ బాలికపై వీధి కుక్కలు దాడి చేయడానికి ప్రయత్నించాయి. అక్కడే ఉన్న ఓ వ్యక్తి వాటిని తరిమి కొట్టడంతో బాలిక ప్రమాదం నుంచి బయటపడింది. వివరాల్లోకి వెళితే సిద్దిపేట జిల్లా కోహెడ మండల కేంద్రంలోని పాత బస్టాండ్ సమీపంలో నాలుగవ తరగతి చదువుతున్న 9 ఏళ్ల బాలిక పిన్నింటి చిన్ని పాలు తీసుకురావడానికి ఇంటి నుండి షాపుకు వెళ్తున్న సమయంలో వీధి కుక్కలు బాలిక పై దాడి చేశాయి బాలిక భయానికి లోనై కింద పడిపోయింది అయినా కుక్కలు దాడికి యత్నించాయి. కుక్కల దాడిని గమనించిన చేపూరి తిరుపతి అనే మోటార్ వైండింగ్ మెకానిక్ కుక్కలను తరిమి బాలికను కాపాడాడు. ఈ దృశ్యాలు అక్కడే ఫోటో స్టూడియో వద్ద ఉన్న సిసి కెమెరాలో నమోదయ్యాయి బాలిక స్వల్ప గాయాలతో బయటపడింది సిసి కెమెరాలో కనిపిస్తున్న రెండు కుక్కలే కాకుండా మరిన్ని కుక్కలు అటువైపుగా ఉన్నట్లు స్థానికులు తెలిపారు సమయానికి స్పందించి బాలికను కాపాడిన తిరుపతిని అభినందించారు. గత కొద్దిరోజుల నుండి కోహెడ మండల కేంద్రంలో వీధి కుక్కలు స్వైర విహారం చేస్తున్నాయని గ్రామపంచాయతీ సిబ్బంది తగు చర్యలు తీసుకోవాలని స్థానికులు కోరుతున్నారు.

కంటివెలుగునుసద్వినియోగం చేసుకోవాలి..
.
యదార్థవాది ప్రతినిది నంగునూర్

ప్రభుత్వం పేద ప్రజలకు మెరుగైన వైద్యం అందించాలనే లక్ష్యంతో ప్రభుత్వ ఏర్పాటు చేసిన కంటి వెలుగు కార్యక్రమాన్ని సద్వినియోగం చేసుకోవాలని వైద్యాధికారి డాక్టర్ ప్రవీణ్ నాయక్ అన్నారు. సోమవారం నంగునూరు మండలం రాంపూర్ గ్రామంలో ఏర్పాటు చేసిన కంటి వైద్య శిబిరాన్ని ప్రారంభించి మాట్లాడారు. గ్రామీణ ప్రాంత ప్రజలు సుదూర ప్రాంతాలకు వెళ్లి నేత్ర వైద్యం చేయించుకోలేకపోతున్నారనే ఉద్దేశంతో ప్రభుత్వం గ్రామాల వారిగా ప్రత్యేక వైద్య శిబిరాలు ఏర్పాటు చేసి ఉచిత చికిత్సలు అందించడం జరుగుతుందన్నారు. గ్రామంలోని 18 సంవత్సరాలు నిండిన వారందరికీ ఉచిత కంటి పరీక్షలు నిర్వహించి అర్హులైన వారికి అక్కడికక్కడే కళ్లద్దాలు ఇవ్వడం అందజేయడం జరుగుతుందన్నారు. గ్రామంలో ఐదు రోజులపాటు ఎక్కడి వైద్య శిబిరం కొనసాగుతుందని తెలిపారు. కార్యక్రమ విజయవంతం కోసం గ్రామ ప్రజాప్రతినిధులు, మహిళా సంఘాలు, యువజన సంఘాలు సహకరించి సక్సెస్ చేయాలని కోరారు. కార్యక్రమంలో ఎంపీటీసీ నితీష్ కుమార్, సర్పంచ్ లక్ష్మి, ఉప సర్పంచ్ బిక్షపతి, నాయకులు పరశురాములు ,యాదగిరి, వైద్య సిబ్బంది అంగన్వాడి సిబ్బంది పాల్గొన్నారు.

వృత్తి నైపుణ్యాలను పెంచుకోవాలి : జిల్లా ఎస్పీ ..

యదార్థవాది ప్రతినిధి సిరిసిల్ల

నైపుణ్యాలను పెంచుకుంటూ పోలీస్ శాఖ గౌరవాన్ని పెంచలనిజిల్లా ఎస్పీ అఖిల్ మహజెన్ అన్నారు. సాయుధ దళాల వార్షిక పునర్ ఉచ్చరణ ముగింపు కార్యక్రమంలో సోమవారం జిల్లా పోలీస్ హెడ్ క్వాటర్స్ లో సాయుధ ధళ పోలీసుల సమీకరణ కవాతు ముగింపు కార్యక్రమానికి హాజరై సాయుధ దళాల గౌరవ వందనాన్ని స్వీకరించిన రాజన్న సిరిసిల్ల జిల్లా ఎస్పీ అఖిల్ మహాజన్.. ఈ సందర్బంగా ఆయన మాట్లాడుతూ పోలీస్ సమీకరణ కవాతు ప్రతి సంవత్సరం లాగే ఈసారి కూడా సాయుధ దళ పోలీసులకు రెండు వారాలు శిక్షణ ఇవ్వడం జరిగిందని ఇందులో భాగంగా ఆర్మ్ డ్ రిజర్వ్ సాయుధ దళాలు యాన్యువల్ మొబిలైజేషన్ శిక్షణలో ఆర్మ్స్ డ్రిల్, లాఠీ డ్రిల్ ఫుట్ డ్రిల్ సెర్మొనల్ డ్రిల్ గార్డ్ మౌంటింగ్ మాబ్ఆపరేషన్ ఫైరింగ్ నాకబంది పికెట్స్ విఐపి బందోబస్త్ లా అండ్ ఆర్డర్ వంటి అంశాలపై శిక్షణనిచ్చామన్నారు. పోలీస్ ఉద్యోగం ఎంతో బాధ్యతాయుతమైనదని మారుతున్న పరిస్థితుల క్రమంలో సాయుధ దళ సిబ్బంది సైతం శాంతి భద్రతల పరిరక్షణ, బందోబస్తు విధులలో కీలక పాత్ర వహిస్తున్నారని శాంతి భద్రతల పరిరక్షణ మన కర్తవ్యమని మరి ముఖ్యంగా విచక్షణ కోల్పోకుండా ప్రజల హక్కులను కాపాడుతూనే శాంతి భద్రతలను పరిరక్షించాల్సిన బాధ్యత మనపైన ఉందని తెలిపారు. ఎట్టి పరిస్థితులలోనూ పోలీస్ శాఖ ప్రతిష్ట, గౌరవం దిగజారకుండా చూడాల్సిన బాధ్యత క్షేత్ర స్థాయి సిబ్బందిపైనే ఉన్నదని అన్నారు. ఈ కార్యక్రమంలో అదనపు ఎస్పీ చంద్రయ్య, డిఎస్పీ లు విశ్వప్రసాద్ రవికుమార్ ఆర్.ఐ లు కుమారస్వామి రజినీకాంత్ యాదగిరి సి.ఐ లు అనిల్ కుమార్ ఉపేందర్ నవీన్ కుమార్ ఎస్.ఐ లు ఆర్.ఎస్.ఐ లు ఆర్ముడ్ రిజర్వ్ సిబ్బంది పాల్గొన్నారు..

ఇండ్లు లేని నిరుపేదలు కనిపించడం లేదా?

యదార్థవాది ప్రతినిధి నిజామాబాద్

పేద ప్రజలకు రెండు పడకల ఇండ్లు ఇవ్వాలని వైయస్ఆర్ తెలంగాణ పార్టీ బుస్సాపూర్ శంకర్ ఆధ్వర్యంలో సోమవారం ప్రజావాణిలో జిల్లా కలెక్టర్ కు వినతి అందించారు.. ప్రతి పేదవాని సొంతింటి కల నెరవేర్చాలని రెండు పడకల ఇండ్లు పేరుతో పేదలను మోసం చేయడం సరికాదని నిజామాబాద్ అర్బన్ అసెంబ్లీ నియోజకవర్గ కో ఆర్డినేటర్ బుస్సాపూర్ శంకర్ అన్నారు. ఈ సందర్భంగా ఆయన మాట్లాడుతూ స్వరాష్ట్రంలో మన సమస్యలన్నీ పరిష్కారం అవుతాయని, మన నీళ్లు, మన నిధులు, మన నియామకాలు అంటూ ఊదరగొట్టిన కేసీఆర్ డబల్ బెడ్ రూమ్ ఇళ్ల నిర్మాణంలో ఘోరంగా విఫలమయ్యారని అర్బన్ అసెంబ్లీ నియోజకవర్గంలో ఇండ్లు లేని నిరుపేదలు కనిపించడం లేదా? అనేక మంది ఇళ్ల స్థలాలు లేక చిన్న ఇళ్లలోనే రెండు మూడు కుటుంబాలు జీవనం సాగిస్తున్నారని వెంటనే నిరుపేదలకు రెండు పడకల ఇండ్లు నిర్మించి ఇవ్వాలని కోరారు. ఈ కార్యక్రమంలో పార్టీ యువజన జిల్లా అధ్యక్షులు అంకార్ గణేష్ , పార్టీ ప్రధాన కార్యదర్శి కుంచెపు ఆనంద్, బీసీ అధ్యక్షులు కారంపూరి రవి, మైనారిటీ అధ్యక్షులు ఇస్మాయిల్ ఖాన్, మహిళా అధ్యక్షురాలు బుడిగే హరిని , సినియర్ నాయకులు అల్లకుంటా పాండు, మహిళ నేతలు శశిరేఖ, శ్వేతా, కవిత, తదితరులు పాల్గొన్నారు.