సంపూర్ణ అంధత్వ నిర్మూలన లక్ష్యంగా కంటి వెలుగు..జిల్లా కలెక్టర్

సిరిసిల్ల: యదార్థవాది ప్రతినిది

సిరిసిల్ల పట్టణం జిల్లా వైద్య ఆరోగ్యశాఖ ఆధ్వర్యంలో రెండో విడత కంటి వెలుగు కార్యక్రమన్ని ప్రారంభించిన 18 సంవత్సరాలు నిండిన ప్రతి ఒక్కరికీ కంటి పరీక్షలు అనురాగ్ జయంతి..ఈ సందర్బంగా మాట్లాడుతూ సంపూర్ణ అంధత్వ నిర్మూలన లక్ష్యంగా తెలంగాణ కంటి వెలుగు కార్యక్రమమని, తెలంగాణ కంటి వెలుగు లాంటి కార్యక్రమం ప్రపంచంలో ఎక్కడా లేదని అన్నారు. దృష్టి లోపాలు ఉన్న వారికి అవసరాన్ని బట్టి రీడింగ్ గ్లాస్ లు అందిస్తున్నామని, ముందస్తు షెడ్యూల్ ప్రకారం ఫేజ్ ల వారీగా అన్ని గ్రామాలు, వార్డులలో కంటి వెలుగు శిబిరాలను, ప్రజలు ఈ అవకాశాన్ని సద్వినియోగం చేసుకోవాలని తెలిపారు. ఈ కార్యకమంలో జిల్లా అదనపు కలెక్టర్ బి సత్య ప్రసాద్, మున్సిపల్ చైర్ పర్సన్ జిందం చక్రపాణి, జిల్లా గ్రంధాలయ సంస్థ చైర్మన్ ఆకునూరి శంకరయ్య, జిల్లా రైతు బంధు సమితి అధ్యక్షులు గడ్డం నర్సయ్య ,మున్సిపల్ వైస్ చైర్మన్ మంచె శ్రీనివాస్, జిల్లా వైద్యాధికారి డాక్టర్ సుమన్ మోహన్ రావు, మున్సిపల్ కమిషనర్ సమ్మయ్య, తహసీల్దార్ విజయ్ కుమార్, పలువురు కౌన్సిలర్ లు పాల్గొన్నారు.

మొదలైన రెండో విడత కంటి పరీక్షలు..

సిద్దిపేట: యదార్థవాది ప్రతినిది

మర్కుక్ మండలం అంగడికిష్టాపూర్ గ్రామంలో రాష్ట్ర అటవీ అభివృద్ధి సంస్థ చైర్మన్ వంటేరు ప్రతాపరెడ్డి, సిద్ధిపేట జిల్లా కలెక్టర్ ప్రశాంత్ జీవన్ పాటిల్ తో కలిసి కంటి వెలుగు రెండో విడత కార్యక్రమాన్ని ప్రారంభించారు.. కంటి పరీక్షల తీరును పరిశీలించి కంటి పరీక్షల కోసం వచ్చే వారికి ఇబ్బంది కలగకుండా వైద్య సిబ్బంది సూచనలు చేస్తూ ఫర్ఫెక్ట్ గా కంటి పరీక్షలు నిర్వహించి అవసరమైన వారికి రీడింగ్ గ్లాస్ లను వెంటనే అందించాలని, ప్రెస్క్రిప్షన్ గ్లాసెస్ ను వారం రోజులలోగా తెప్పించి ఆశా కార్యకర్తల ద్వారా ఇంటి వద్దనే అందించాలని వైద్య ఆరోగ్యశాఖ అధికారులను తెలిపారు. ప్రతి కంటివెలుగు నిర్వహణ క్యాంపులో నిబంధనల మేరకు నాణ్యత ఏర్పాట్లను పరిశీలించాలని ల్వాలిటి కంట్రోల్ అబ్సర్వర్ డా. రాకేష్ ను ఆదేశించారు..ఈ సందర్భంగా కలెక్టర్ మాట్లాడుతూ రాష్ట్ర ప్రభుత్వం ప్రతిష్టాత్మకగా చేపట్టిన కంటి వెలుగు రెండో విడత కార్యక్రమాన్ని జిల్లాలో 45 వైద్య బృందాలు పనిచేస్తాయని వాటిలో 35 గ్రామీణ, 10 బృందాలు పట్టణ ప్రాంతాలలో షెడ్యూల్ ప్రకారం కంటి పరీక్షలు నిర్వహించి అవసరమైన అద్దాలను అందిస్తామని తెలిపారు. 18 సంవత్సరాల వయసు పైబడిన ప్రతి ఒక్కరు కంటి పరీక్షలు చేపించుకోవాలని తెలిపారు. రోజుకు ఒక క్యాంపు లో 100 నుండి 150 మందికి కంటి పరీక్ష చేస్తామని ఒక గ్రామంలో మూడు నుంచి నాలుగు రోజుల వరకు క్యాంపు నిర్వహించి చివరి వ్యక్తి వరకు కంటి పరీక్షలు నిర్వహిస్తామని, ప్రతి ఒక్కరు కంటి పరీక్షలు నిర్వహించుకునేలా ప్రజా ప్రతినిధులు ప్రజలకు అవగాహన కల్పించాలని కోరారు… రాష్ట్ర అట అభివృద్ధి సంస్థ చైర్మన్ వంటేరు ప్రతాపరెడ్డి మాట్లాడుతూ కంటి వెలుగు గొప్ప కార్యక్రమని, పట్టణాలకు వచ్చి కంటి పరీక్షలు నిర్వహించుకునే స్థోమత లేని గ్రామీణ ప్రజలకు, పట్టణ ప్రాంతాలలోని బడుగు, బలహీన వర్గాల ప్రజలకు ఎంత ఉపయోగకరమైనదని రాష్ట్ర ముఖ్యమంత్రి కేసీఆర్ భావించి కంటి వెలుగు కార్యక్రమాన్ని చేపట్టారని, నిన్న ఖమ్మంలో పంజాబ్ మరియు ఢిల్లీ ముఖ్యమంత్రి ఈ కార్యక్రమాన్ని మరియు రాష్ట్ర ముఖ్యమంత్రిని ప్రశంసించి ఈ కార్యక్రమాన్ని ఆయా రాష్ట్రాల్లో అమలు చేసేందుకు చర్యలు తీసుకుంటామని చెప్పారన్నారు. ఈ కార్యక్రమంలో గడ స్పెషల్ ఆఫీసర్ ముత్యంరెడ్డి, జిల్లా వైద్య ఆరోగ్యశాఖ అధికారి డాక్టర్. కాశీనాథ్, కంటి వెలుగు కార్యక్రమం రాష్ట్ర పరిశీలకులు డాక్టర్. శ్రీదేవి, వైద్యాధికారులు శ్రీనివాస్, శశిశ్రీ, ఆశాజ్యోతి, స్థానిక ఎంపీపీ జడ్పిటిసి సర్పంచ్ ఎంపీటీసీ తాసిల్దార్ ఎంపీడీవో పంచాయతీ కార్యదర్శి మరియు స్థానిక ప్రజాప్రతినిధులు పాల్గొన్నారు.

19న పాదుకా పూజ మహోత్సవం

సిద్దిపేట: యదార్థవాది

వార్షికోత్సవ పాదుకా పూజ మహోత్సవం గురువారం జరుగుతుందని శ్రీధర శివరామ దీక్షిత అచల గురు తెలిపారు. శ్రీమద్ బృహద్వాశిష్ట శ్రీధర శివరామ దీక్షిత అచల గురు పీఠము సిద్దిపేట వారి అద్వర్యంలో ఈ కార్యక్రమములు జరుపబడును ఇట్టి కార్యక్రమమునకు ఆంధ్ర తెలంగాణ మరియు మహారాష్ట్ర కర్ణాటక నుండి అచల గురువులు విచ్చేస్తున్నారన్నారు. సిద్దిపేట పట్టణంలోని పటేల్ పుర కాలనీ శ్రీ గురు నిలయంలో జరుగుతుందని తెలిపారు.

కంటి వెలుగు’ను సద్వినియోగం చేసుకుందాం..

సిరిసిల్ల: యదార్థవాది ప్రతినిది

దృష్టి లోపాలను సంపూర్ణంగా సవరించేందుకు రాష్ట్ర ప్రభుత్వం అత్యంత ప్రతిష్టాత్మకంగా చేపట్టిన “తెలంగాణ కంటి వెలుగు” కార్యక్రమాన్ని ప్రజలు సద్వినియోగం చేసుకోవాలని జిల్లా వైద్య, ఆరోగ్య శాఖ అధికారి డాక్టర్ సుమన్ మోహన్ రావు అన్నారు.. బుధవారం కలెక్టరేట్ జిల్లా వైద్య ఆరోగ్య శాఖ అధికారి కార్యాలయంలో రెండో విడత కంటి వెలుగు ప్రారంభోత్సవ కార్యక్రమ ఏర్పాట్లను వివరించారు.. జిల్లా కలెక్టర్ అనురాగ్ జయంతి ఐఏఎస్, ఆదేశాల మేరకు జిల్లా వ్యాప్తంగా ఈనెల 19 తేదీన ప్రారంభించబోయే 26 కంటి వెలుగు క్యాంపులలో డ్రై రన్ విజయవంతంగా నిర్వహించామని తెలిపారు. అలాగే ఈ క్యాంపులకు నిర్వహించడానికి కావలసిన సామాగ్రి ఆటో రిఫ్రాక్టర్ మిషన్ రీడింగ్ కళ్లద్దాలు ఐఇసి మెటీరియల్ సిబ్బంది మరియు ఇతర ముఖ్య అన్ని అంశాలను ఇప్పటికే సమకూర్చుకున్నామని తెలిపారు.

రోడ్డు విస్తరణపై పునరాలోచించాలి..

హుస్నాబాద్: యదార్థవాది ప్రతినిది

జాతీయ రహదారి విస్తరణలో భాగంగా హుస్నాబాద్ పట్టణంలో అర్ అండ్ బి అధికారులు చేపడుతున్న రోడ్ల క్షేత్ర స్తాయిలో పరిశీలించాలని సిపిఐ రాష్ట్ర కౌన్సిల్ సభ్యులు గడిపె మల్లేశ్ అన్నారు. హుస్నాబాద్ రెవిన్యూ డివిజనల్ అధికారి కార్యాలయంలో రోడ్లు భవనాల శాఖ అధికారులకు ఇండ్లను కోల్పోతున్న భాధిత కుటుంబాలతో కలిసి గడిపె మల్లేశ్ ఆధ్వర్యంలో బుధవారం వినతి పత్రం అందచేశారు.. మాట్లాడుతూ ఆర్ అండ్ బి అధికారులు మార్కింగ్ చేసిన ఇండ్లు, ఇండ్ల స్థలాలను పరిశీలించాలని, హుస్నాబాద్ పట్టణంలో రద్దీలేని బస్ డిపో రోడ్ వెడల్పు చేపట్టావద్దని, ఈ విషయమై ఉన్నతాధికారుల క్షేత్ర స్తాయిలో పరిశీలించాలని మల్లేష్ కోరారు. ఈ కార్యక్రమంలో ఇండ్లు, ఇండ్ల స్థలాలు పూర్తిగా కొల్పోతున్న ఆడేపు సూర్యం, వెల్డండి రామ్మోహన్, వెల్డండి భాస్కర్, యాదమ్మ,లక్ష్మి తదితరులు పాల్గొన్నారు…